"მე პოლიტიკური გემოვნების ან შეხედულებების მიხედვით მეგობრებს არც ვიძენ და არც ვკარგავ!”- გვაზავა მელიას პასუხობს

პოლიტიკა - 16:02, 13 Feb, 2017

6035

გენერალი ლევან გვაზავა მერიასთან განვითარებულ მოვლენებს და ამ მოვლენებთან მიმართებაში მისი გვარის გაჟღერებას ფეისბუკზე გამოეხმაურა. ლევან გვაზავამ ნიკა მელიას მხრიდან მისი მისამართით გაკეთებულ განცხადებას უცნაური გამოხტომა უწოდა და აღნიშნა, რომ იმის მიუხედავად ვინაა მისი მეგობარი, მისი დამოკიდებულება რუსთავი2-თან დაკავშირებით არ იცვლება:

“სრულიად ვიზიარებ საზოგადოების პროტესტს და განწყობას, რუსთავი 2–ის საქმის განმხილველ მოსამართლის სკანდალთან დაკავშირებით. ამ საქმეში ჩართული რომელიმე პირის ჩემთან მეგობრობა ან ურთიერთობა, ჩემთვის ამ საქმისადმი და რუსთავი ორისადმი დამოკიდებულებას არ ცვლის. რაც პირადად გამომიხატია რუსთავი 2 – ის გვერდზე, ჩემს მეგობრებთან ერთად ფიზიკურად დგომით. როგორც საზოგადოების უმრავლესობისთვის, ასევე პირადად ჩემთვისაც, მერიის და საკრებულოს გადაწყვეტილება აღნიშნულ საკითხთან დაკავშირებით აშკარა კითხვის ნიშნებს ბადებს.

რაც შეეხება ბატონი მელიას უცნაურ გამოხტომას ჩემს წინააღმდეგ, მინდა განვაცხადო, რომ პოლიტიკურ ინტრიგებში და სატელივიზიო შოუში მას მე არ ავყვები, ეს ჩემი საქმე არ არის. ნიკა მელიას ვურჩევ ამ კონტექსტში ჩემი სახელის ხსენებას სჯობს დღევანდელ რეჟიმს ებრძოლოს. მე პოლიტიკური გემოვნების ან შეხედულებების მიხედვით მეგობრებს არც ვიძენ და არც ვკარგავ!”- წერს ლევან გვაზავა ფეისბუკზე.