ნიკა მელიას განცხადებით ზვიად ჩოხელი რომელიც მოსამართლე ნაზღაიძის ოჯახისთვის მერიის მიერ გადაცემული ქონების საქმეში ფიგურირებს დაახლოებულია ქართული ოცნების მაღალჩინოსნებთან, კერძოდ მისი მეჯვარე არის სახელმწიფო უსაფრთხოების სამსახურის უფროსის მოადგილე ალექსანდრე ტაბატაძე, ასევე ზვიად ჩოხელი და გენერალი ლევან გვაზავა ერთ მისმართზე არიან რეგისტრირებულნი. ნიკა მელიამ ზვიად ჩოხელთან დაკავშირებით 2003 წლის ფაქტიც გაიხსენა და განაცხადა, რომ ჩოხელმა საკუთარი ავტომობილი ააფეთქა იმ მოტივით, რომ შემდეგში ამაში კონკურენტები დაედანაშაულებინა:

„სამწუხაროა, რომ ამ პროვოკატორი ადამიანის გამო, რომელიც 2003 წელს თურმე კენჭს იყრიდა ნაძალადევის რაიონში და საკუთარი მანქანა დაწვა იმის წარმოსაჩენად , რომ თურმე დაუწვეს, ეს არის ადამიანი, რომელიც ამაზეც კი წამსვლელია. დღეს კი პროვოკაცია მოაწყო და მის გამო დაახლოებით 10 ადამიანია დაკავებული. ლევან გვაზავა არის ჩოხელის უახლოესი მეგობარი, ლევან შენს გამო დაიჭირეს 10 ბიჭი შენ ხარ ალეკო ტაბატაძის უახლოესი მეგობარი, ტაბატაძის უახლოესი მეგობარია ეს ჩოხელი, პროვოკატორი და სუსთან კავშირზე მყოფი. ტელევიზორთან კი ნუ ზიხარ გამოდი და მიდი შენს მეგოიბრებთან ოცნებაში და მოითხოვე გაათავისუფლონ უკანონოდ დაკავებული ბიჭები“- განაცხადა ნიკა მელიამ.