"სანამ არ ჩამოვა, აქ ხალხი აზვირთდება და ვნახავთ ვინ გააღებს კარს"

"სანამ არ ჩამოვა, აქ ხალხი აზვირთდება და ვნახავთ ვინ გააღებს კარს" - მელია ნარმანიას რამდენიმე საათს აძლევს

პოლიტიკა - 12:52, 13 Feb, 2017

5547

თბილისის მერიასთან ვითარება დაძაბულია. მერიის მიმდებარედ საპროტესტო აქციის მიმდინარეობისას ადგილი ჰქონდა ფიზიკურ დაპირისპირებას შეკრებილ საზოგადოებასა და სამართალდამცავებს შორის. აქციის მონაწილეები თბილისის მერთან შეხვედრას ითხოვენ.

„ხელისუფლება არის იმ სიტუაციაში, როდესაც სისულელეს სისულელეს უმატებს, დანაშაულს ჩადის დანაშაუზლე, მან დღეს მორიგი დანაშაული ჩაიდინა, სახელმწიფო ორგანიზაციის კედელი ჩარაზა, მის დავალებას რამდენიმე ათეული პოლიციელი ასრულებს, დეპუტატებს დაუბრკოლებლად აქვთ შესვლის ნება, თუ ივანიშვილის და ნარმანიას ნება იყო, რომ ეს კარები ჩაეკეტათ, ხალხის ნებაა, რომ ეს კარი გაიღოს. უამრავი ადამიანი მოვა, ვინ დაკეტავს და ვინ გააღებს კარებს, ამას დაინახავენ. მაგის სახლი ხომ არ არის? ივანიშვილის სასახლეა თუ რა ხდება? ფეხს არ მოიცვლის აქედან არავინ, სანამ ნარმანია კეთილს არ ინებებს, ან არ ჩამოვა, ან საკოორდინაციო საბჭოს წევრებს არ შეხვდება, ჩვენ მზად ვართ ვიბრძოლოთ სიმართლისათვის“, - აღნიშნა მელიამ.

სპეციალური განცხადების გაკეთებდამდე, მელიამ ასევე განაცხადა, რომ ადგილზე უსაფრთხოების სამსახურის წევრები არიან მობილიზებული:

„წარმოუდგენელია, მთელი სუსი არის მობილეზებული მერიასთან. ჩაკეტეს მერიის შენობა, არ უშვებენ არავის იმ საჯარო სივრცეში, სადაც ნებისმიერ მოქალაქეს აქვს შესვლის უფლება, ნარმანიასთან შეხვედრა მოვითხოვეთ, არანაირი პასუხის იმ კორუფციულ სქემაზე, რომელიც გაშიფრულია, ის იმალება, თუ ნარმანია არ გამოვა, რამდენიმე დღეში ეს ადამიანი ამ შენობაში ვერ შევა“, - განაცხადა ნიკა მელიამ.

შეგახსენებთ, რომ დედაქალაქიის მერიასთან მიმდინარეობს აქცია, რომლის ფარგლებშიც საკოორდინაციო საბჭოს წარმომადგენლები და მათი მხარდამჭერები აპროტესტებენ ტელეკომპანია რუსთავი 2-ის ირგვლივ მიმდინარე საკითხს, კერძოდ კი მოსამართლე ნაზღაიძის ოჯახის საქმეს.