"კარი გადაკეტეს, მაგრამ ხალხისგან დამალვა არ გამოუვათ"- მერიასთან რ2-ის საქმეზე საპროტესტო აქცია იმართება

პოლიტიკა - 11:45, 13 Feb, 2017

2206

დედაქალაქის მერიასთან საკოორდინაციო საბჭოს მიერ ორგანიზებული აქცია დაიწყო. აქციაზე უკვე გამოჩნდნენ პოლიტიკური ძალებისა და არასამთავრობო ორგანიზაციის წარმომადგენლები. აქციის მონაწილეები რუსთავი 2-ის საქმის მოსამართლის, ნატა ნაზღაიძის ოჯახისთვის მილიონობით ლარის გადაცემის საქმის გამოძიებას მოითხოვენ.
მოქალაქეები აქციაზე ტრანსფარანტებით და საყვირებით არიან მისულები, ისინი თბილისის მერის დავით ნარმანიას გადადგომას მოითხოვენ. ადგილზე იმყოფება ენმ-ს ერთ-ერთი ლიდერი ნუგზარ წიკლაურიც, რომელმაც ჟურნალისტებს განუცხადა, რომ თბილისის მერის პასუხისმგებლობის საკითხი უნდა დადგეს, მისი თქმით საკორდინაციო საბჭოს მიერ ორგანიზებულ აქციას პერმანენტული ხასიათის იქნება და მიმართულია რ2-ს და თავისუფალი სიტყვის დასაცავად.

„მერიამ დღეს კარები გადაკეტა, მაგრამ მას ხალხისგან დამალვა არ გამოუვა. ჩვენ ყველამ ვიცით, რომ ხალხის კუთვნილი ფული, რამდენიმე მილიონი მისცა კორუმპირებულ მოსამართლეს. იმისათვის რომ მიეღო თავისუფალი მედიის, კონკრეტულად რ2 საწინააღმდეგო გადაწყვეტილება.“- განაცხადა ნუგზარ წიკლაურმა.