ტელეკომპანია რუსთავი 2-ის საქმის განმხილველი მოსამართლის ოჯახისთვის მილიონის გადაცემასთან დაკავშირებით, დღეს დამატებით დეტალებზე ისაუბრა საკრებულოს ფრაქცია „ნაციონალური მოძრაობის“ წევრმა, რომელმაც ახალი დოკუმენტები გაასაჯაროვა, რომლის მიხედვითაც ირკვევა, რომ ნაზღაიძის ოჯახს იმაზე მეტი გადაეცა, ვიდრე გაჟღერებული იყო. აღნიშნულს ირაკლი ლექვინაძე გამოეხმაურა:

„მიწის ნაკვეთების შეფასებას, რომელიც უკავშირდება, როგორც იმ დათმობილ მიწის ნაკვეთს, რომლის გამოსყიდვაც განხორციელდა, ასევე ალტერნატიულ მიწის ნაკვეთს, რომლის გადაცემაც განხორციელდა, თბილისის მერია ეყრდნობა კომპეტენტური ორგანოს, სამხარაულის ექსპერტიზის ბიუროს შეფასებებს და ამის საფუძველზე ხდება გადასაცემი თუ დასათმობი მიწის ნაკვეთის ღირებულების განსაზღვრა,“ - განაცხადა ირაკლი ლექვინაძემ.