"პანორამა დიღომი"უნდა დაერქვას რომ დაფინანსდეს? სირცხვილია მართლა!!”

სოც.მედია - 13:14, 11 Feb, 2017

6623

„ტელ ავივის ულამაზესმა როთშილდის ბულვარმა რომელიც რამდენიმე კილომეტრზეა გადაჭიმული, მისი გამწვანებით თუ არქიტექტურით ძალიან დიდი შთაბეჭდილება მოახდინა ჩემზე“ - წერს სოციალურ ქსელში თამარ ივერი და სოციალურ ქსელში გამოქვეყნებული პოსტით ითხოვს თბილისში, დიდ დიღომსაც მსგავსი ყურადღება მიექცეს.

თამარ ივერი: „როთშილდის ბულვარამდე შეიძლება ვერ მივა მაგრამ ნამდვილად ქვეყნის დიდი სირცხვილია რომ დიღომში, დავით აღმაშენებლის ძეგლიდან თბილისი მოლამდე.....სამანქანო ტრასებს შუა მთელი რამდენიმე კილომეტრიანი ხეივანი პრაქტიკულად მკვდარი, გამოუყენებელი და ჭუჭყისა და ნაგვის საყრელადაა ქცეული.

დიდი ამბავია ამ უზარმაზარი ტერიტორიის გაყოლებაზე, მთელი ეს ხეივანი დაახლოებით ასეთ ბულვარად გადაკეთდეს რომ კორპუსებში და კერძო სახლებში საბრალოდ შეყუჟული დიდი დიღმელები სადღაც გავიდნენ "წელი გაშალონ"? ხალხი ველოსიპედით ივლის,გაისეირნებს,რაღაცას გაჰკრავს კბილს პატარა ჯიხურებში.
ნუთუ ასე ძნელია ეს რამდენიმე კილომეტრიანი "კასანდრას ხიდივით" გაუბედურებულ-გავერანებული, გაბდღვნილი "ხეივნის" ინფრასტრუქტურა ვინმემ შეცვალოს და იგი ცივილიზებულ სასეირნო დიღმის აღმაშენებლის ბულვარად გადაკეთდეს?
ნუთუ ამის მიხვედრას ასეთი დიდი სამჭკუაშვილობა და მავანთათვის სიზმარში ზაჰა ჰადიდის "გამოცხადება" სჭირდება? თუ აუცილებლად "პანორამა დიღომი"უნდა დაერქვას რომ დაფინანსდეს?
ცოტა ხნის წინ თავად გავხდი დიღმის მკვიდრიც და ადამიანს გუდვილ/კარფურის მოლების გარდა წასასვლელი არსად არა მაქვს რომ ფეხი "გავიქნიო"...სიმწვანეზე აღარ არის საუბარი. სირცხვილია მართლა!! დიდი დიღომი ადამიანის სულიერი დასვენებისთვის სრულიად მკვდარი ტრიალი მინდორია !! მხოლოდ ბელიაშვილზე"ტაშ-ტაშ" ქალაქური რესტორნების რიგი და ორი სავაჭრო ცენტრი ადამიანებს და ბავშვებს სულიერ საზრდოს და შინაგან რელაქსაციას ვერ აძლევს!!“