ე.წ ფარულ საგამოძიებო მოქმედებებთან დაკავშირებული საკანონმდებლო პაკეტის კენჭისყრა მომდევნო სასეიო კვირისთვის გადაიდო.

დღესვე პარლამენტში დაგეგმილი იყო „გაზპრომის“ საკითხზე პოლიტიკური დებატების დანიშვნის საკითხის მიზანშეწონილობის განხილვა, თუმცა აღნიშნულ საკითხზე მსჯელობა ვერ მოესწრო.

ცვლილებების პაკეტი სხდომაზე ეკა ბესელიამ წარადგიბა. მან სპეციალური პრეზენტაცია წარუდგინა დეპუტატებს და დეტალურად ახსნა თუ რას ითვალისწინებს ცვლილებები.

ეკა ბესელიამ ასევე განმარტა იმ სიპ-ის ფუნქციები, რომელიც სუსის ბაზაზე იქნება, საუბარია ოპერატიულ ტექნიკურ სააგენტოზე.

განხილვებში დღეს პრეზიდენტის ადმინისტრაციის წარმომადგენლებიც მონაწილეობდნენ. პრეზიდენტის საპარლამენტო და პოლიტიკური მდივნებს ყველა შეხვდა გარდა ქართული ოცნებისა.

ახალი კანონის მიხედვით, პერსონალური მონაცემის დაცვის ინსპექტორის მოვალეობები შეცვლილია. ინსპექტორის ფუნქცია ფარული მოსმენების შესახებ სასამართლო დოკუმენტაციის მიღების გარდა ფარული მიყურადების შეჩერება იქნება.