მდინარაძემ ოპოზიციის საპასუხოდ "იმედის" დარბევის ამსახველი ბანერი გამოფინა

პოლიტიკა - 19:02, 10 Feb, 2017

4996

"ქართული ოცნების" წევრმა, მამუკა მდინარაძემ "მოძრაობა თავისუფლებისთვის" დეპუტატების საპასუხოდ, პლენარულ სხდომაზე სიტყვით გამოსვლისას, 2007 წელს ტელეკომპანია "იმედში" სპეცრაზმის შესვლის ამსახველი ბანერი გაშალა.

”არა, მედია შტურმს” - ამაზე ბატონებო არავინ კამათობს. აქ საუბარია იმაზე, თუ ვინ ახმოვანებს ამ პოზიციას. მედია უნდა იყოს თავისუფალი და ეს არამხოლოდ დეკლარირებით, არამედ ჩვენს მიერ გაკეთებულ საქმეებში გამოჩნდა. როცა ასეთ პლაკატებს აკრავთ, როგორც მინიმუმ გუშინდელი დღე უნდა გავიხსენოთ. როცა ამ პლაკატს გამოაკრავთ, როგორც მინიმუმ არ უნდა გადაგვავიწყდეს, თუ რა ბექრაუნდი აქვთ ადამიანებს, რომლებიც იღწვიან იმისთვის, რომ ვიღაცას დაანახონ, თითქოს მედია არ არის თავისუფალი და მედიაზე ვიღაც შტურმს ახორციელებს. არ ვიცი, რა ჰქვია იმას, როცა ”ნაციონალური მოძრაობის” წევრები ამბობენ, რომ მედიაზე ზეწოლაა”, - განაცხადა მდინარაძემ.
საქართველოს პარლამენტში მორიგ დაპირისპირებას ჰქონდა ადგილი. ელენე ხოშტარიას დარბაზი დაატოვებინეს. „ევროპული საქართველოს“ წევრებს სესიაზე ბანერის გაშლა სურდათ, რომლითაც გამოხატავდნენ ტელეკომპანიების: რუსთავი 2-ისა და საზოგადოებრივი მაუწყებლის სოლიდარობას. თუმცა, მათ ამის ნება მანდატურებმა არ მისცეს, მათ განემარტათ, რომ რეგლამენტით ბანერების გაშლა დარბაზში არ არის გათვალისწინებული.