რუსთავი 2-ის მხარდამჭერი აქცია უზენაეს სასამართლოსთან გრძელდება. მასში მონაწილეობას 8 პოლიტიკური პარტია იღებს. აქციის ფარგლებში სიტყვით გამოვიდა „ერთიანი ნაციონალური მოძრაობის“ წევრი გიორგი ბარამიძე:

„ეს ბრძოლა არ არის მხოლოდ რუსთავი 2-ისთვის ბრძოლა, უპირველესყოვლისა ეს ბრძოლ არის ამ ოლიგარქის, პუტინის გეგმის შემსრულებელი ოლიგარქის წინააღმდეგ და ჩვენ აუცილებლად გავიმარჯვებთ. იმიტომ, რომ ქართველი ხალხი არ მოითმენს, რომ პუტინის მიერ სპეცოპერაციით დანიშნული ოლიგარქი, ასე მოაჯდეს ქვეყანას და ასე იპარპაშოს. რადგან ქართველი ხალხი იბრძოდა თავისუფლებისთვის, მან მიაღწია თავისუფლებას, მაგრამ ამ თავისუფლებას აღარ დათმობს. გაუმარჯოს ჩვენს ბრძოლას, რუსთავი 2-ს და ერთიან საქართველოს, გაუმარჯოს საქართველოს ოლიგარქი ივანიშვილის გარეშე“, - განაცხადა გიორგი ბარამიძემ.