"კოალიცია იწყებს მოძრაობას,რათა თაღლითი რუსი ოლიგარქი ჩამოშორდეს ქართულ პოლიტიკას"- "რუსთავი 2"-ის მხარდამჭერი აქცია დაიწყო

პოლიტიკა - 13:33, 10 Feb, 2017

6194

"რუსთავი 2"-ის მხარდასაჭერი აქცია ამ წუთებში იწყება. პოლიტიკოსები, არასამთავრობო ორგანიზაციები და სტუდენტები რუსთაველის გამზირზე იკრიბებიან.

"ჩვენ გვქონდა ძალიან ბევრი კონსულტაცია უკანასკნელი დღეების განმავლობაში. ეს აქცია არის მასშტაბური, კოალიცია იწყებს მოძრაობას იმისათვის, რომ ერთხელ და სამუდამოდ ეს თაღლითი რუსი ოლიგარქი ჩამოშორდეს ქართულ პოლიტიკას. ის ანადგურებს სიტყვის თავისუფლებას, ქართულ ეკონომიკას, ის ანადგურებს ქართული სახელმწიფოს საფუძვლებს. ეს ბრძოლა არ გაჩერდება მანამ სანამ ბიძინა ივანიშვილი ქართულ პოლიტიკას არ ჩამოშორდება"- აღნიშნა აქციაზე მყოფმა "ერთიანი ნაციონალური მოძრაობის" წევრმა ნუგზარ წიკლაურმა.

გუშინ "მოძრაობა ახალი ერთობა საქართველოსთვის" წევრებმა რუსთავი 2-თან და სიტყვის თავისუფლების დაცვის მიზნით, პოლიტიკურ პარტიებს მიმართა და საკოორდინაციო საბჭოს შექმნა შესთავაზა.

კონსულტაციების შედეგად გადაწყდა, რომ დღევანდელი აქცია ინტერპარტიულ ფორმატში ჩატარდება და 8 პოლიტიკური სუბიექტი მიიღებს მონაწილეობას. პოლიტიკოსები აცხადებენ, რომ ხელისუფლებამ თავისუფალ სიტყვას ომი გამოუცხადა და მიმდინარეობს "მედიის კასტრაცია."

პოლიტიკურ სუბიექტებთან ერთად, ხვალინდელ აქციაზე მისვლას სტუდენტები და საზოგადოების ცნობილი სახეებიც გეგმავენ.

"რუსთავი 2"-ის მხარდასაჭერად აქცია მსვლელობა რუსთაველის მეტროსთან 13:30 საათზე დაიწყება და უზენაეს სასამართლოსთან დასრულდება.