"ჩვენი მიზანია დავიცვათ რუსთავი 2, დამთავრდა დრო, როდესაც ივანიშვილს მშვიდად ეძინა"- ზაზა ბიბილაშვილი

პოლიტიკა - 17:02, 09 Feb, 2017

2477

დღეს "მოძრაობა ახალი ერთობა საქართველოსთვის" წევრებმა რუსთავი 2-თან და სიტყვის თავისუფლების დაცვის მიზნით, პოლიტიკურ პარტიებს მიმართა და საკოორდინაციო საბჭოს შექმნა შესთავაზა.

მათი თმით, ხელისუფლებამ თავისუფალ სიტყვას ომი გამოუცხადა და მიმდინარეობს "მედიის კასტრაცია."

მოძრაობის ინიციატივა, პოლიტიკური პარტიებისთვის და არასამთავრობოებისთვის მისაღები აღმოჩნდა.

"დღეს შეიკრიბა 8 პოლიტიკური პარტია და რამდენიმე საზოგადოებრივი ორგანიზაცია. პირველ რიგში ჩვენი მიზანია დავიცვათ რუსთავი 2, სოლიდარობა გამოვუცხადოთ საზმაუს და მის თანამშრომლებს. ეს პოლიტიკური საკოორდინაციო საბჭო სრული შემადგენლობით უერთდება ხვალინდელ აქციას, რომელიც ხვალ 13:30 საათზე გაიმართება. ჩვენ არ ვაპირებთ დიდი ხანი ვიყოთ თავდაცვის რეჟიმში, ჩვენი მთავარი გზავნილი ქართველი საზოგადოებისთვის არის ის რომ დამთავრდა დრო, როდესაც ივანიშვილს მშვიდად ეძინა, აფეთქებდა საყდრისს, იტაცებდა ტერიტორიებს, ჩვენს მეომრებს გადასცემდა რუსეთს.

დღეს ჩვენ დავიცავთ რუსთავი 2 ს და საზოგადოებრივ მაუწყებელს, და არ გავჩერდებით იქამდე სანამ ქვეყანას რუსი ოლიგარქისაგან არ გავათავისუფლებთ. გამოვიყენებთ ყველა მეთოდს, რომ ივანიშვილი მოვაშოროთ ამ ქვეყანას"- აღნიშნა "ნაციონალური მოძრაობის" ერთ-ერთმა ლიდერმა ზაზა ბიბილაშვილმა, რომელიც სხვა პოლიტიკური პარტიების ლიდერებთან ერთად ინიციატივის ავტორებს შეხვდა.