საქართველოს პრემიერმინისტრის სპეციალური წარმომადგენელი რუსეთთან ურთიერთობის საკითხებში ზურაბ აბაშიძე კარასინთან შეხვედრასთან დაკავშირებით დამატებით დეტალებზე საუბრობს. აბაშიძემ რუსეთ-საქართველოს შორი ტვირთების კონტროლის შესახებ დადებულ შეთანხმებაზე ისაუბრა. მან ასევე ხაზი გაუსვა ამ ხელშეკრულების ამოქმედების ვადებს:

“ქართულმა მხარემ გასული წლის გაზაფხულზე დაასრულა მუშაობა შესაბამის დოკუმენტებზე. რუსულ მხარეს რამდენიმე საკითხი ჯერ არ აქვს გარკვეული და საბოლოოდ არ არიან ამაზე ჩამოყალიბებულნი. ჩვენ მივიღეთ პასუხი, რომ ისინი პრინციპულად მზად არიან, ადასტურებენ მზაობას ხელშეკრულების დასაწყებად. ველით, რომ შვეიცარიელ კოლეგებთან შეხვედრის შემდეგ ის გაურკვევლობები რამდენიმე საკითხთან დაკავშირებით საბოლოოდ მოგვარდება. მე მაქვს ასეთი განცდა, რომ ფინალს ვუახლოვდებით,“ - განაცხადა აბაშიძემ.