"ყველაფერს გავაკეთებთ იმისათვის, რომ "რუსთავი 2" ხელისუფლებას არ დავუთმოთ"

"ყველაფერს გავაკეთებთ იმისათვის, რომ "რუსთავი 2" ხელისუფლებას არ დავუთმოთ" - ბაჩუკი ქარდავა

პოლიტიკა - 12:47, 09 Feb, 2017

2293

„ეროვნულ დემოკრატიული პარტიის“ ლიდერი, ,,ახალი ერთობა საქართველოსთვის“ წევრი ბაჩუკი ქარდავა ქვეყანაში არსებულ სიტყვის თავისუფლების პრობლემაზე საუბრობს.

მისი თქმით, სამაუწყებლო კომპანია "რუსთავი 2" ის უკანასკნელი ტელევიზიაა, საიდანაც განსხვავებული აზრი ისმის.

ქარდავა თავისუფალი სიტყვის დასაცავად აქციების ჩატარების აუცილებლობაზე ამახვილებს ყურადღებას.

„რუსთავი 2 არის ის უკანასკნელი ფორპოსტი, რომელმაც შეიძლება შეინარჩუნოს განსხვავებული აზრი, თავისუფალი სიტყვა დღეს ქვეყანაში. ამ ვითარებაში რაღაც პოლიტიკური სხვადასხვაობები ალბათ უკანა პლანზე უნდა გადავიდეს, ყველა პოლიტიკური პარტიის მხრიდან, გუშინ მთელი დღის განმავლობაში ვიყავით საკონსულტაციო რეჟიმში და ჩვენ, ახალი ერთობა მზად ვართ და ვუერთდებით იმ აქციებს, რომელიც უკვე იგეგმება ხვალიდან რუსთავი 2-ის დასაცავად"- ამბობს ედპ-ს ლიდერი.

მისი თქმით, საზოგადოება პოზიციების დათმობას არ აპირებს.

"ვთავაზობთ გრძელვადიან პერსპექტივაში, საკოორდინაციო საბჭოს შექმნას, რომლის მიზანი იქნება პერმანენტული პოლიტიკური აქციები ქვეყანაში, იმიტომ რომ მე არ მჯერა, ხელისუფლება, რომელიც იმ წითელ ხაზს გადავიდა, ასე მარტივად დათმობს თავის პოზიციებს. ბუნებრივია, ამ პოზიციებს არ დათმობს ქართული საზოაგდოებაც და ყველაფერს გავაკეთებთ იმისათვის, რომ რუსთავი 2 დარჩეს იმის ხელში, ვისიც არის დღეს, ის დღეს ქართული საზოგადოების ტელევიზიაა, ამად ის უკვე იქცა და ხელისუფლებას ეს ტელევიზია არ უნდა დავუთმოთ.

ვთავაზობთ გრძელვადიან პერსპექტივაში, საკოორდინაციო საბჭოს შექმნას, რომლის მიზანი იქნება პერმანენტული პოლიტიკური აქციები ქვეყანაში, იმიტომ რომ მე არ მჯერა, ხელისუფლება, რომელიც იმ წითელ ხაზს გადავიდა, ასე მარტივად დათმობს თავის პოზიციებს. ბუნებრივია, ამ პოზიციებს არ დათმობს ქართული საზოაგდოებაც და ყველაფერს გავაკეთებთ იმისათვის, რომ რუსთავი 2 დარჩეს იმის ხელში, ვისიც არის დღეს, ის დღეს ქართული საზოგადოების ტელევიზიაა, ამად ის უკვე იქცა და ხელისუფლებას ეს ტელევიზია არ უნდა დავუთმოთ“, - აცხადებს ბაჩუკი ქარდავა.

მოძრაობა "ახალი ერთობა საქართველოსთვის" რუსთავი 2" -თან დაკავშირებით პოლიტიკურ პარტიებს მიმართავს და საკოორდინაციო საბჭოს შექმნას ითხოვს.