"აგონიური ბოდვა" - მილიონი ივანიშვილის ფარული ჩანაწერისთვის და ნაცვლიშვილის პასუხი

პოლიტიკა - 10:17, 08 Feb, 2017

3430

მთავარი პროკურორის ყოფილი მოადგილე ლაშა ნაცვლიშვილი გუშინ "რუსთავი 2"- ის ეთერში გავრცელებულ სკანდალურ ინფორმაციას, რომლის მიხედვითაც დავით საყვარელიძეს ბიძინა ივანიშვილის ფარული აუდიო ჩანაწერები რამდენიმე მილიონად შემოგვთავაზა, „აგონიურ ბოდვას“ უწოდებს.
მთავარი პროკურორის ყოფილი მოადგილე საყვარელიძის „გაღიზიანებას“ მის მიერ გუშინ გაკეთებულ განცხადებებს უკავშირებს".

"როგორც ჩანს, ზუსტად იქ მოვარტყი, სადაც ვუმიზნებდი.
ემწარათ სიმართლე დანაშაულზე წასწრებულებს და ჭინკების მორიგი შაბაში მოაწყვეს სტუდიაში, თანაც immediately...

მოაწყვეს, რათა კიდევ ერთხელ თვალნათლივ გვენახა, რომ სიყალბე და ძალადობა იყო და რჩება ნაციონალური მოძრაობის საფირმო ნიშნად; რომ ცილისწამება და მორალური ტერორიღა შემორჩათ მწირი პოლიტიკური არსენალიდან; რომ გარდაუვალი კატასტროფის გაჭიანურებული მოლოდის გამო აგონიაში ჩავარდნილი, ღვარძლით სნეული ბოროტი გონება მხოლოდ სიშლეგეს გამოიმუშავებს.

და სწორედ იმიტომ, რომ, როგორც ჩანს, ზუსტად იქ მოვარტყი, სადაც ვუმიზნებდი, - მათ მიმართ ნათქვამ უკლებლივ ყველა სიტყვას, კიდევ ერთხელ, სრული პასუხისმგებლობით გიმეორებთ.

P.S. რამდენიმე შეტყობინება მივიღე - მედია კომენტარს მთხოვს ე.წ. ბრალდებებზე: აგონიური ბოდვის კომენტირება როგორ შეიძლება, მეგობრებო, - ეს არა მხოლოდ ღირსებისშემლახავი, არამედ სამედიცინო თვალსაზრისითაც კონტრპროდუქტიულია..."- წერს ნაცვლიშვილი.