თბილისის მერი ტელეკომპანია რუსთავი 2-ის საქმის განმხილველი მოსამართლის, ნატა ნაზღაიძის ირგვლივ მიმდინარე მოვლენებზე კომენტარს აკეთებს და აცხადებს, რომ ნაზღაიძის ოჯახს ბიუჯეტიდან მილიონი ლარი, სტიქიის შედეგად მიყენებული ზარალის საკომპენსაციოდ, კანონის სრული დაცვით გადაეცა:

„კანონმდებლობის და წესების სრული დაცვით მოხდა. თუ ვინმეს რამეში ეჭვი ეპარება, ყველა დოკუმენტაცია ღიაა. საგამოძიებო ორგანოები ისედაც ინტერესდებიან ჩვენი პოლიტიკური ოპონენტების მიმართვის გარეშეც. რაიმე პრობლემა ამ საკითხთან დაკავშირებით, არ არსებობს ჩემი აზრით, იმიტომ რომ კანონმდებლობის და წესების ყველა ნორმა არის დაცული,“ - განაცხადა დავით ნარმანიამ.