"თეთრი ძაფით ნაკერი, რომლისაც თავად გომელაურსაც არ სჯერა"- მელია პროკურატურის განცხადებას ეხმაურება

პოლიტიკა - 15:46, 07 Feb, 2017

1166

„ნაციონალური მოძრაობის“ წევრი ნიკა მელია მოსამართლეებზე შესაძლო ზეწოლის შესახებ პროკურატურის მიერ დღეს გავრცელებული განცხადებას გამოეხმაურა და აღნიშნა, რომ საგამოძიებო ორგანოსგანცხადების „თავად ვახტანგ გომელაურსაც არ სჯერა“.

"დღეს პროკურატურამ ანუ იგივე ვახტანგ გომელაურმა იგივე ბიძინა ივანიშვილის ხელდასხმით დანიშნულმა თანადებობის პირებმა განაცხადეს, რომ თითქოს დავით საყვარელიძემ კიევიდან მოსამართლეებს მადლობის წერილი მისწერა. ეს არის თეთრი ძაფით ნაკერი, რომლისაც თავად გომელაურსაც არ სჯერა. ხელისუფლება არის უსუსურ მდგომარეობაში და დამოკიდებულია სუს-ზე და მათ ერთგვარ ხრიკებზე, რაც ამჯერად ძალიან ცუდად შეასრულეს.

ერთადერთი უწყება, რომელიც ამ ქვეყანაში მუშაობდა ეს იყო სუს-ი და ამ სამსახურმაც შეწყვიტა წარმატებით მუშაობა. ის, რაც ჩვენ დღეს პროკურატურის ბრიფინგზე მოვისმინეთ, უბრალოდ შეურაცხმყოფელია პირველ რიგში სპეცსამსახურების თანამშრომლებისთვის, რომლებიც მუშაობენ ან მუშაობდნენ სხვადასხვა უწყებაში - შსს-ში, სუს-ში და ა.შ. იმდენად დამამცირებლად, უხეშად და არაპროფესიონალურად აქვთ გაკეთებული, ბავშვსაც კი არ სჯერა, რომ თურმე კიევიდან დავით საყვარელიძე წერს მადლობის წერილებს მოსამართლეების სახელზე და ეს მათ კარზე დაუკაკუნეს და სახლში მიუტანეს მატერიალური სახით. რაღაცას ხომ აქვს საზღვარი ამ ქვეყანაში და მადლობა ღმერთს, ეს საზღვარი მე მგონი არის ეს შემთხვევა, რომლის იქეთაც უფსკრულია და არავის სჯერა. დარწმუნებული ვარ „ქართული ოცნების“ უმრავლესობასაც ამ პარლამენტში არ სჯერა, რომ ეს ნამდვილად რეალობაა“, - განაცხადა ნიკა მელიამ.

პროკურატურის ინფორმაციით, უზენაესი სასამართლოს მოსამართლეებმა - ბესარიონ ალავიძემ და პაატა ქათამაძემ წერილობითი შეტყობინები დ. საყვარელიძის სახელით მიიღეს.