"მისი განცხადებები პირდაპირ რუსეთის ინტერესებში შედის"- ენმ ზურაბ აბაშიძეს პარლამენტში იბარებს

პოლიტიკა - 12:06, 07 Feb, 2017

2363

რუსეთთან ურთიერთობის საკითხებში პრემიერ-მინისტრის სპეციალურ წარმომადგენელს ზურაბ აბაშიძეს, რუსეთის საგარეო საქმეთა მინისტრის მოადგილე გრიგორი კარასინთან შეხვედრის შემდეგ პარლამენტში, საგარო ურთიერთობათა კომიტეტში იბარებენ.
ინიციატივა ფრაქცია "ერთიან ნაციონალურ მოძრაობას" ეკუთვნის.
სალომე სამადაშვილმა მიმართა პარლამენტის საგარეო ურთიერთობათა კომიტეტს, რათა მოხდეს სხდომაზე ზურაბ აბაშიძის მოწვევა.

„უნდა გამოვეხმაურო იმ განცხადებას, რომელიც ზურაბ აბაშიძემ რამდენიმე დღის წინ გააკეთა, რომ თითქოს ევროპასთან უვიზო რეჟიმი ეს არის მათ შორის, ამ ფორმატის დამსახურება. ეს არის პირდაპირ ჩვენი საზოგადოების შეცდომაში შეყვანის მცდელობა, რომ თითქოს ჩვენ ჯერ რუსეთთან უნდა დავალაგოთ ურთიერთიერთობები და ამის შემდეგ გვექნება წარმატება ევოატლანტიკური ინტეგრაციის გზაზე. ამ დროს პირიქითაა. საქართველოს შეუქცევადი ევროპული მომავალი არის ერთადერთი რამ, რაც ჩვენ დაგვეხმარება რუსეთთან ურთიერთობების დარეგულირებაში და ბატონმა აბაშიძემ მსგავსი განცხადებები, რომლებიც პირდაპირ რუსეთის ინტერესებში შედის, არასდროს უნდა გააკეთოს, თუ ის მართლაც საქართველოს სახელმწიფო ინტერესებს წარმოადგენს ამ მოლაპარაკეკებზე.
2016 წლის განმავლობაში საქართველოს 85 მოქალაქეა დაკავებული საოკუპაციო რეჟიმის მიერ რომელ წარმატებაზე აქვს საუბარი ზურაბ აბაშიძეს, როდესაც ჩვენ ქვეყანაში მსგავსი მდგომარეობაა. სწორედ ამიტომ მინდა მივმართო ბატონ აბაშიძეს, ხელისუფლებას და საზოგადოებას - ჩვენ, როგორც პარლამენტში წარმოდგენილი ძირითადი ოპოზიციური ძალა, მოვითხოვთ, რომ ბატონი აბაშიძე აღნიშნული შეხვედრის შემდეგ მობრძანდეს საგარეო კომიტეტის სხდომაზე და ჩაგვაბაროს ანგარიში აღნიშნული მოლაპარაკებების შესახებ და ზოგადად, მომავალში ვფიქრობ, რომ აუცილებელია მან, მსგავსი შეხვედრების წინ და შემდეგ საკანობმდებლო ორგანოში შესაბამისი კონსულტაციები გაიაროს”, - განაცხადა სამადაშვილმა.