მამუკა ახვლედიანი "ქართული ოცნების" ლიდერების წინააღმდეგ - "ცილისწამებისთვის წულუკიანის, მდინარაძის და თალაკვაძის მიმართ სარჩელს შევიტან"

პოლიტიკა - 11:15, 07 Feb, 2017

2530

თბილისის საქალაქო სასამართლოს ყოფილი თავმჯდომარე იმ ადამიანების წინააღმდეგ, რომლებიც მას ბრალდებებს უყენებენ, სასამართლოში სარჩელის შეტანას გეგმავს.

როგორც "ნიუპოსტს" ახვლედიანმა განუცხადა, იურისტებთან ერთად უკვე ამზადებს სარჩელს იუსტიციის მინისტრის, თეა წულუკიანის და საპარლამენტო უმრავლესობის რამდენიმე წარმომადგენლის წინააღმდეგ.

თბილისის საქალაქო სასამართლოს ყოფილი თავმჯდომარე აცხადებს, რომ სასამართლოს გზით დაამტკიცებს იმას, ქონება საბანკო სესხით აქვს შეძენილი.

მამუკა ახვლედიანი ჩვენთან საუბარში აღნიშნავს, რომ ცლისწამებისთვის პოლიტიკოსებს ბოდიშის მოხდასთან ერთად, 100-ათას ლარიანი კომპენსაციის გადახდა მოუწევთ, რომელიც იურიდიული ფაკულტეტის სტუდენტებს ჩაერიცხებათ.

"თანხის ოდენობას შეიძლება დიდი მნიშვნელობა არ ჰქონდეს, თუმცა მინდა პრეცედენტი შევქმნა. ვაპირებ, რომ კომპენსაცია მთლიანად გადავრიცხო იურიდიული ფაკულტეტის სტუდენტებისთვის, შეუწყო ხელი, რომ აღარ გაიზარდონ მსგავსი მორალის იურისტები საქართველოში. წულუკიანი, ბესელია, ძიძიგური, მდინარაძე, თალაკვაძე, ვინც მსგავს ცილისმწამებლურ განცხადებებს აკეთებს ყველას წინააღმდეგ შევა სასამართლოში სარჩელი. თანხა კი როგორც აღვნიშნე მომავალი იურისტების განათლებას მოხმარდება, რომ არ იყვნენ ისეთი კვალიფიკაციის იურისტები, როგორებიც ჩამოვთვალე"- აღნიშნა "ნიუპოსტთან" მამუკა ახვლედიანმა.