ნაზღაიძის საქმე და თბილისის მერიის მიერ დამალული დოკუმენტი

ნაზღაიძის საქმე და თბილისის მერიის მიერ დამალული დოკუმენტი - ოპოზიცია კორუფციულ სქემაზე საუბრობს

პოლიტიკა - 15:45, 06 Feb, 2017

3095

თბილისის საკრებულოს ოპოზიციის ნაწილმა დღეს გაასაჯაროვა დოკუმენტი, რომლის მიხედვითაც, პროექტში, რომლის შედეგადაც ნაზღაიძეს უნდა გადასცემოდა მილიონი, საუბარი არ არის იმ დოკუმეტზე, რომლის მიხედვითაც, 2015 წელს „საქართველოს ბანკისგან“ გამოსყიდვის უფლება ჩამორთმეული აქვს ზვიად ნაზღაიძეს. ოპოზიციაში აცხადებენ, რომ თბილისის მერიამ ეს დოკუმენტი შეგნებულად დამალა, რადგან ის ნაზღაიძისთვის ქონების გადაცემით დაინტერესებული იყო.

„2015 წლის 30 ნოემბრის შემდეგ ნაზღაიძეს არაფერი აღარ აკავშრებდა ამ მიწის ნაკვეთთან, ბატონმა ნარმანიამ მავნე კორუფციული გარიგებების მიხედვით, წარმოადგინა დოკუმენტი, სადაც ეს გაუქმების დოკუმენტი აღარ ფიგურირებს. იმიტომ, რომ არავის არ აწყობდა, ფაქტობრივად ამ ადამიანს ამ მიწასთან დაკავშრებით არანაირი უფლება აღარ ჰქონდა. ეს დოკუმენტი დაიმალა, რომელიც მის უფლებობას აღნუსხავდა, ჩადებულია მხოლოდ ის ძველი დოკუმენტი, რომელიც გაუქმებული იყო, ეს არის ძალიან მძიმე კორუფციული სქემა, არ ვიცით დავით ნარმანიამ ნებსით თუ უნებლიედ შეიყვანა საკრებულო შეცდომაში, მაგრამ ამას საკრებულომაც დაუჭირა მხარი“, - აცხადებენ ნაცინალური მოძრაობის საკრებულოს წევრები.