მრავალფუნქციური კომპლექსი მზიურთან - ელისაშვილი პოლიტიკური ჯგუფის ინტერესებზე საუბრობს

პოლიტიკა - 11:36, 04 Feb, 2017

3655

"მზიურის" პარკთან მალე მრავალფუნქციური კომპლექსის გაშენება იგეგმება. პროექტთან დაკავშირებით ნებართვა საკრებულოს სხდომაზე მიიღეს, რამაც დეპუტატებს შორის კამათიც გამოიწვია.

საკრებულოს დამოუკიდებელი დეპუტატი ალეკო ელისაშვილი აცხადებს, რომ პროექტში პარლამენტის ერთ-ერთი დეპუტატის ინტერესი იკვეთება.

"მესამე კორპუსი ჩადის სარეკრეაციო ზონასთან და პირდაპირ მიჯნაზე ჯდება. როგორც იცით კორპუსს შემდეგ ინფრასტრუქტურა უკეთდება მერე მოხდება მზიურში შეჭრა. როგორც ირკვევა აქ გარკვეული პოლიტიკური ჯგუფის ინტერესებიც იკვეთება.

თამაზ შოშიაშვილის ცნობით კი, პროექტის განხორციელების შემთხვევაში ადგილზე 90-მდე ხე უნდა მოიჭრას.

"ის განაშენიანების რეგულირების გეგმა რომელიც თბილისის საკრებულომ დაამტკიცა ითვალისწინებს მზიურის პარკის მიმდებარე ტერიტორიაზე და მათ შორის ფაქტობრივ ტერიტორიაზე დაახლოებით 90 ხის მოჭრას და დიდი მოცულობის კორპუსის მშენებლობას"- აღნიშნა "ევროპული საქართველოს" წევრმა.

საკრებულოს თავმჯდომარე დეპუტატების ამ განცხადებებს აბსურდულს უწოდებს.

"ეს არის ზედაპირული განცხადება მათ შეუძლიათ ჩაიარონ მზიურის ტერიტორიაზე. იქ გაჩეხვაზე საუბარი საერთოდ არ არის. პროექტით იგეგმება საცხოვრებელი სახლების მშენებლობა და მოქალაქეების დასაქმება" - აცხადებს ალიბეგაშვილი.