მუხაშავრია რუსეთთან ხელისუფლების ფარული გარიგებაზე საუბრობს - ,,იგივე სცენარი იყო გია ცერცვაძის შემთხვევაშიც“

პოლიტიკა - 21:10, 03 Feb, 2017

2799

ადვოკატი ლია მუხაშავრია გაზეთ ქართული სიტყვისთვის მიცემული ინტერვიუს შემდეგ, მორიგ განცხადებას ტვ ,,იბერიას“ ეთერში აკეთებს. მუხაშავრია საქართველოს ხელისუფლების წარმომადგენლებს რუსეთთან ფარულ გარიგებებში და ადამიანებით ვაჭრობაში ადანაშაულებს. ადვოკატი ამბობს, რომ ამ საქმეში მაღალი თანამდებობის პირების ინტერესი იკვეთება.

„2004 წლის შემდეგ ყოველწლიურად აღნიშნავდნენ წელიწადში რამდენიმე ფაქტს, როდესაც ასეთი შემთხვევები ხდებოდა, ადამიანები უჩინარდებოდნენ საქართველოდან, შემდეგ აღმოჩნდებოდნენ რუსეთში. მე დავინახე, რომ იგივე სცენარი ვითარდებოდა გია ცერცვაძის შემთხვევაში. ეს არ ეხება მარტო სამხედროებს, ეხება ყველას ვის მიმართაც რუსეთს ინტერესი აქვს. ასეთი თანამშრომლობის სქემა არ შეცვლილა, ის დღესაც მოქმედებს. სხვა ახსნა ამას არ აქვს. არავინ არ დაისწრებს მოწმეს, როდესაც ასეთი რამე ხდება, არანაირი სამართლებრივი გამართლება ასეთ თანამშრომლობას არ აქვს. მე ვამტკიცებ, რომ ეს არის მაღალი თანამდებობის პირების ინტერესი და ამაში მონაწილეობს ფული. ასეთი შემთხვევები მოხდა ე.წ. კანონიერი ქურდების ფაქტებზე, როდესაც რუსეთიდან ჩამოიყვანეს ისინი, აეროპორტში დააკავეს და პირდაპირ შეასახლეს რუსეთში” - განაცხადა ლია მუხაშავრიამ.