რატომ არ იყვნენ იუსტიციის უმაღლესი საბჭოს წევრები ზეწოლის შესახებ ინფორმირებულები

რატომ არ იყვნენ იუსტიციის უმაღლესი საბჭოს წევრები ზეწოლის შესახებ ინფორმირებულები - ლევან თევზაძის კომენტარი

პოლიტიკა - 18:17, 03 Feb, 2017

1773

იუსტიციის უმაღლესი საბჭოს წევრი ლევან თევზაძე მოსამართლეთა მიმართ შესაძლო ზეწოლის ფაქტის კომენტირებისას აცხადებს, რომ დასადგენია „ავთენტურობა და კიდევ რაღაცები“.

"იმის გათვალისწინებით, რომ მიმდინარეობს გამოძიება, ვიმსჯელეთ და მივიღეთ გადაწყვეტილება, რომ დაველოდოთ მის შედეგებს და აღნიშნულის შემდეგ გავაჟღეროთ პოზიცია. თუკი მსგავსი რამ განხორციელდა, ძალიან ცუდია და დაველოდოთ პროკურატურას“ - განაცხადა თევზაძემ.

თევზაძემ კურიერის ჟურნალისტის შეკითხვაზე "უჩნდება თუ არა მას კითხვები სასამართლოს თავმჯდომარესთან თუ რატომ არ იყვნენ ისინი ინფორმირებულები," მან უპასუხა, რომ ეს კითხვა უშუალოდ თავმჯდომარისთვის უნდა დაესვა.

თევზაძე არ აკონკრეტებს, მიაწოდა თუ არა ნინო გვენეტაძემ საბჭოს წევრებს ინფორმაცია, ვინ განახორციელა ზეწოლა „რუსთავი 2“-ის საქმის მოსამართლეებზე.

“თუ რატომ არ ვიყავით ინფორმირებულები ეს უშუალოდ მას უნდა ჰკითხოთ, თუმცა დღეს დაადასტურა რა თქმა უნდა, რომ ის იყო ინფორმირებული და მან აღნიშნულზე მოახდინა მყისიერი რეაგირება, მასალები გადააგზავნა. მას არ ავალებს კანონი, რომ ეს გააკეთოს საჯაროდ თუ არასაჯაროდ,“ - აღნიშნა თევაზემ.