“უზენაესი სასამართლოს თავმჯდომარეს ეკუთვნის შექება, რომ საქმე პროკურატურაში გადააგზავნა“

“უზენაესი სასამართლოს თავმჯდომარეს ეკუთვნის შექება, რომ საქმე პროკურატურაში გადააგზავნა“ - წულუკიანი მოსამართლეთა ზეწოლის ფაქტზე

პოლიტიკა - 18:14, 03 Feb, 2017

2524

უზენაესი სასამართლოს მოსამართლეებზე შესაძლო ზეწოლის ფაქტს იუსტიციის მინისტრი გამოეხმაურა. წულუკიანის თქმით უზენაესი სასამართლოს თავმჯდომარე სწრაფად და სწორედ მოიქცა. მინისტრმა დადებითად შეაფასა ის ფაქტი, რომ ბრალდებაზე თვალი არავინ დახუჭა და განაცხადა, რომ საჭიროა ყველა გამოძიების შედეგებს დაელოდოს:

“მე ვფიქრობ, რომ უზენაესი სასამართლოს თავმჯდომარე მოიქცა სწრაფად და მას პირიქით, ეკუთვნის შექება იმისთვის, რომ რაც შეიძლება მალე გადააგზავნა პროკურატურაში ეს საქმე. სწორედ ამაში გამოიხატება მისი მოკავშირეობა საკუთარი მოსამართლეებისადმი, რადგან მან, ასე ევალებოდა კანონით, გამოუცხადა მხარდაჭერა თავის კოლეგებს, ვისზეც, როგორც ეს კოლეგები ამბობენ, ყოფილი მაღალჩინოსნისგან თუ მაღალჩინოსნებისგან ხორციელდებოდა და ხორციელდება ზეწოლა. გამოძიებას აქვს თავისი წესები. პროკურატურამ მიიღო რა ქალბატონი ნინოს განცხადება, როგორც მათი განცხადებიდან ირკვევა, სასწრაფოდ ჩართო გამოძიების პროცესი და ჩვენ, პირიქით, უნდა ვიყოთ მოხარულნი, რომ არავინ დახუჭა თვალი ამგვარ ბრალდებაზე, რომელიც მომდინარეობს არა რიგითი მინისტრისგან, ან რომელიმე მოქალაქისგან, არამედ უზენაესი სასამართლოს მოსამართლეებისგან. ამიტომაც, მეც, თქვენც, ყველანი უნდა დაველოდოთ გამოძიებას.”-განაცადა იუსტიციის მინისტრმა.