ტელეკომპანია რუსთავი 2-ის გენერალურმა დირექტორმა ნიკა გვარამიამ დღეს გამართულ ბრიფინგზე უზენაესის სასამართლოს მოსამართლეებზე მიმდინარე ზეწოლასთან დაკვაშირებით განცხადება გააკეთა. აღნიშნულს სახალხო დამცველი უჩა ნანუაშვილი გამოეხმაურა და აღნიშნა, რომ იგი ამ საკითხით დაინტერესებული და აუცილებლად გაუწევს მონიტორინგს:

„ნებისმიერი ასეთი ინფორმაცია, რომელიც უკავშრდება რუსთავი 2-ის გარშემო მიმდინარე დავას, არის ძალიან საინტერესო ჩვენთვის და ჩვენ ასეთ საკითხებს რა თქმა უნდა გავუწევთ მონიტორინგს. უნდა შემოწმდეს ყველა განცხადება, გამოძიების ფარგლებში უნდა მოხდეს ყველა იმ კითხვაზე პასუხის გაცემა, რომელიც იყო დასმული. ეს განსაკუთრებით მნიშვნელოვანია ახლა, როდესაც მიმდინარეობს საქმის განხილვა და ბოლომდე არ არის მისული პროცესი“, - განაცხადა უჩა ნანუაშვილმა.