უზენაესი სასამართლოს ორი მოსამართლე პროკურატურას მათზე ზეწოლის ფაქტების გამოძიებას სთხოვს

პოლიტიკა - 21:30, 02 Feb, 2017

2524

ცნობილი ხდება, რომ პროკურატურამ გამოძიება დაიწყო სამართალწარმოების პროცესში მოსამართლეებზე განხორციელებულ შესაძლო ზეწოლასთან დაკავშირებით. ასევე ცნობილი გახდა, რომ ამავე გამოძიების ფარგლებში პროკურატურა სწავლოსბ იმ მიმოწერის ავთენტურობას, რომელიც მედიაში გავრცელდა და ეხება მიხეილ სააკაშვილსა და დავით საყვარელიძის შორის მიმოწერას. მიმოწერაში ნახსენებია მოსამართლეები პაატა ქათამაძე და ბესაროინ ალავიძეზე. აღნიშნული მოსამართლეები მონაწილეობდნენ რუსთავი 2-ის საქმის განხილვაში კოლეგიის ფარგლებში და ისინი არიან დიდი პალატის წევრებიც.

მოსამართლეებზე განხორციელებული შესაძლო ზეწოლის ფაქტებთან დაკავშირებით დაწყებული გამოძების შესახებ ინფორმაცია სააგენტო ,,პირველმა“ გაავრცელა.

გამოძიების დაწყების ფაქტს ადასტურებენ პროკურატურაში. როგორც ირკვევა საქმის ძიება 2017 წლის 14 იანვარსაა დაწყებული.

,,საქართველოს უზენაესი სასამართლოს მოსამართლეების ბ.ალავიძის და პ.ქათამაძის განცხადებისა და სასამართლოს მომართვის საფუძველზე დაიწყო გამოძიება საქართველოს სისხლის სამართლის კოდექსის 364-ე მუხლის მე-2 ნაწილით გათვალისწინებული დანაშაულის ნიშნებით".

"ამ ეტაპისათვის გამოძიების მიერ ჩატარებულია მთელი რიგი საგამოძიებო მოქმედებები და გამოძიება გრძელდება ინტენსიურ რეჟიმში. როგორც გითხარით მიმდინარე გამოძიების ფარგლებში ჩატარდება ყველა აუცილებელი საგამოძიებო მოქმედება უზენაესი სასამართლოს მოსამართლეების საქმიანობაში ჩარევის შესაძლო ფაქტების გადამოწმების მიზნით. გამოძიების შედეგების შესახებ დამატებით ეცნობება საზოგადოებას", – განაცხადეს პროკურატურის პრესსამსახურში.