,,ვიზალიბერალიზაცია არის ერთ-ერთი მნიშვნელოვანი ეტაპი იმ მძიმე გზაზე, რომელიც ჩვენ სახელმწიფოს უსაფრთხოებისთვის უნდა გავიაროთ“

,,ვიზალიბერალიზაცია არის ერთ-ერთი მნიშვნელოვანი ეტაპი იმ მძიმე გზაზე, რომელიც ჩვენ სახელმწიფოს უსაფრთხოებისთვის უნდა გავიაროთ“ - ქარდავა

პოლიტიკა - 19:25, 02 Feb, 2017

1555

საქართველოსთვის ვიზალიბერალიზაციის მინიჭებას აფასებს ,,ეროვნულ-დემოკრატიული პარტიის“ ლიდერი, მოძრაობა ,,ახალი ერთობა საქართველოსთვის“ წევრი ბაჩუკი ქარდავა, რომელიც ,,ნიუპოსტთან“ აცხადებს, რომ ეს არის დასაწყისი იმ სამომავლო გზისა, რომელიც ქართულმა სახელწიფომ დასავლურ სტრუქტურებთან საბოლოო დაახლოებისთვის უნდა გაიაროს.

,,პირველ რიგში მინდა მივულოცო ქართულ საზოგადოებას ის ხელშესახები წარმატება, რომელიც ეროვნული მოძრაობიდან მოყოლებული, დღემდე ყველა თაობის თავდადებული ბრძოლისა და შრომის შედეგად მოიპოვა ქართველმა ხალმა. თუმცა, ეს წარმატება მხოლოდ დასაწყისია იმ მძიმე გზაზე, რომელიც ჩვენმა ხალხმა უნდა გაიაროს ქართული სახელმწიფოს უსაფრთხოებისათვის. თავისუფლების შენარჩუნების ერთადერთი გარანტი არის საქართველოს დაბრუნება იმ წიაღში, რომლის ლოგიკური ნაწილი საქართველო იყო. ქართველი ერის უსართხოება პირდაპირპროპორციულად არის დაკავშირებული როგორც ქვეყნის სახელმწიფოებრივი ინსტიტუტების გაძლიერებასთან, ასევე მის წარმატებულ საგარეო პოლიტიკასთან, კიდევ ერთხელ მინდა მივულოცო ყველას ეს წარმატება და ცალსახად დავაფიქსირო, რომ ჩვენი საგარეო ორიენტირები არასოდეს არ უნდა დადგეს კითხვის ნიშნის ქვეშ - ჩრდილოეთი თუ დასავლეთი? რადგან, ჩრდილოეთი ანუ რუსეთი არის საქართელოს სახელმწიფოს ლიკვიდაცია, ხოლო დასავლური კურსი, ნატო, ევროპა - ეს არის არა მხოლოდ საგარეო ორიენტირი, არამედ ეს არის სახელმწიფოებრივი მისწრაფებები და ის ფასეულობები, ის იდეოლოგიური პრინციპები, რომელზეც იდგა ჩვენი ქვეყანა საქართველოს ისტორიის ყველაზე წარმატებულ ეტაპებზე“ - განაცხადა ბაჩუკი ქარდავამ.