სახელმწიფო უსაფრთხოების სასამხურის ცნობით, აფხაზეთის დე-ფაქტო ხელისუფლება ადასტურებს, რომ ცატავა ე.წ. საზღვრის უკანონო კვეთის ბრალდებით დაკავებულია და გალის ე.წ. იზოლატორში იმყოფება.

სუს-ის ცნობით, უწყებამ ცხელი ხაზის მეშვეობით გადაამოწმა გავრცელებული ინფორმაცია, რის შედეგადაც ცატავას დაკავება დაუდასტურეს.

განცხადებაში ასევე ნათქვამია, რომ სახელმწიფო უსაფრთხოების სამსახური აღნიშნულ საქმეზე ცხელი ხაზის მეშვეობით აგრძელებს მუშაობას.

თუ არ მოხდა გერონტი ცატავას უახლოეს პერიოდში გათავისუფლება, საქართველოს ცენტრალური ხელისუფლება მის საკითხს 22 თებერვალს ჩანიშნულ IPRM-ის შეხვედრაზე განიხილავს.

გალიდან 52 წლის მამაკაცის საკუთარი სახლიდან შეიარაღებული პირების მიერ გატაცების შესახებ ინფორმაცია დღეს გახდა ცნობილი. გამტაცებლები გამოსყიდვის მიზნით ოჯახს 200 ათას რუსულ რუბლს სთხოვენ.