"მოძრაობა თავისუფლებისთვის - ევროპული საქართველოს" პრეზენტაცია გაიმართა

პოლიტიკა - 15:39, 30 Jan, 2017

1748

პარტიას, რომელიც ნაციონალური მოძრაობიდან წამოსულმა ჯგუფმა შექმნა „მოძრაობა თავისუფლებისთვის - ევროპული საქართველო“ ეწოდა.

დავით ბაქრაძის თქმით „მოძრაობა თავისუფლებისთვის - ევროპული საქართველო“ იქნება პოლიტიკური ძალა, რომელიც საქართველოში მიზიდულობის ცენტრის შექმნას შეძლებს:

„დღეს საზოგადოებასთან ერთად, ვდგამთ კიდევ ერთ მნიშვნელოვან ნაბიჯს, რომელმაც საქართველოში ახალი ძლიერი პოლიტიკური ცენტრის გაჩენამდე უნდა მიგვიყვანოს არ ვაპირებთ ვიყოთ არც მეორე, არც მესამე, არც 25 პოლიტიკური ძალა, ვიქნებით ის ერთადერთი პოლიტიკური ძალა, რომელიც საქართველოში მიზიდულობის ცენტრის შექმნას შეძლებს,"- განაცხადა ბაქრაძემ.

„ჩვენ მოძრაობას ქვია, მოძრაობა თავისუფლებისთვის, იმიტომ რომ საქართველოს ყველა მოქალაქისთვის, სიტყვა თავისუფლება არის ყოველთვის ყველაზე ძვირფასი. ჩვენ მოვიპოვეთ დამოუკიდებლობა და ყოველდღიურად ვიბრძვით ჩვენი თავისუფლებისთვის. ჩვენი მოძრაობა არის მოძრაობა თავისუფლებისთვის და ეს თავისუფლებისკენ მოძრაობა სწორედ ნიშნავს მოძრაობს ევროპისკენ. ჩვენი მოძრაობა არის ასეთი, ძლიერი, თავზეხელაღებული, თავისუფალი ადამიანების მოძრაობა, რომელიც მშვიდობიანად, მაგრამ აუცილებლად ჩაანაცვლებს ამ უნიათო მთავრობას, რომელიც მხოლოდ ჭაობს გვთავაზობს,“ - განაცხადა გიგი უგულავამ.

პარტიის ლიდერების თქმით ისინი იქყებენ მუშაობას თვითმმართველობის არჩევნებში აქტიურად მისაღებად:

„თვითმართველობაში უნდა მოვიყვანოთ ხალხი, რომლებიც ემსახურებიან ჩვენ მოქალაქეებს და არა ოლიგარქს და ამით დავიწყოთ ივანიშვილის რეჟიმის შეცვლა. შემდგომში კი მთელ ქვეყანაში უნდა გამოვცვალოთ ივანიშვილის რეჟიმი და რაც მთავარია ამის შემდეგ დავიწყოთ საქმის კეთება ამ ქვეყნითვის ძლიერი გუნდით, რომელიც შეზღუდულია კონსტიტუციით და არის ხალხის წინაშე ვალდებული, გუნდით რომელიც დაიცავს ჩვენი ქვეყნის თავისუფლებას, თითოეული მოქალაქის თავისუფლებას. თავისუფალი ადამიანები მოიპოვებენ კეთილდღეობას და თავისუფალი ადამიანები დაიცავენ უსაფრთხოებას საკუთარი ქვეყნის, ისინი უზრუნველყოფენ ეკონომიკურ წინსვლას და ამ ქვეყნის საბოლოო დაბრუნებას თავისუფალ ერთა ოჯახში, სადაც ადამიანები ცხოვრობენ ღირსეულად და ყველას აქვს შანსი წინსვლის. ეს არის რაც ჩვენ გვინდა და ვიწყებთ თქვენთან ერთად ამ მოძროაბას, მადლობა თქვენ და მადლობა ყველას ვინც დღეს ჩვენტან არის და ვინც ხვალ იქნება ჩვენთან ერთად“- განაცხადა გიგა ბოკერიამ.