„ბავშვთა სამყაროს“ აღმასრულებელი მდივანი გიორგი მაჭავარიანი თავს იკავებს ვერსიებისგან, თუ რისგან და რა მიზეზით შეიძლება გაჩენილიყო სავაჭრო ცენტრში ხანძარი. მაჭავარიანი საზოგადოებას მოუწოდებს თავი შეიკავონ ბრალდებებისგან.

მაჭავარიანის თქმით შენობა დაზღვეულია თუმცა დაზარალებულთა უმეტეს ნაწილს საქონელი დაზღვეული არ ქონდა .

როგორც მან აღნიშნა, პოლიტიკური დაინტერესების შესახებ ეჭვები ისეთი ადამიანებისგან წამოვიდა, რომლებიც საკითხში ნაკლებად არიან ჩახედულები და ამ პრობლემასაც საკუთარი ინტერესებისთვის იყენებენ

"არ მინდა პოლიტიკურ ჭრილში გადავიდეს და ნუ გამოიყენებენ თავისი ინეტესებისთვის, თავიანთ საქმეს მიხედონ"- აღნიშნა მაჭავარიანმა.

"მაქსიმალურად ერთად ვეცდებით აღწეროდ ეს ზარალი და დავეხმაროთ ხალხს ეს ადამიანები პირველ რიგში ჩემი მეგობრები არიან. შენობის ფულს თუ გადაიხდის ალდაგი პარტნიორებთან ერთად ვეცდებით ავანაზღაუროთ ზარალი. მერია არ არის ვალდებული, ჩვენ ვართ სააქციო საზოგადოება და რისი საშუალება გვექნება იმას ავანაზღაურებთ. სადაც ოქროს სეიფებია განლაგებული გვაქვს იმ ადგლის მაქსიმალურად დიდი კონტროლი გვაქვს" -აღნიშნა "ბავშვთა სამყაროს" აღმასრულებელმა მდივანმა.