,,ხელისუფლებამ უნდა მოსთხოვოს ინტერპოლს, ქართული ლეგიონის წევრებზე რუსეთის მოთხოვნით დაწყებული სამართლებრივი პროცედურები შეაჩეროს“

პოლიტიკა - 22:24, 28 Jan, 2017

1734

ქართველი სამხედროების საქმეს და პარლამენტში საგამოძიებო კომისიის შექმნის მოთხოვნას გამოეხმაურენ არასაპარლამენტო ოპოზიციაში. ეროვნულ-დემოკრატიული პარტიის ლიდერს იმედი არ აქვს, რომ ხელისუფლება ამ მოთხოვნას დააკმაყოფილებს, თუმცა, ბაჩუკი ქარდავა ამბობს, რომ ხელისუფლებას ამ სკანდალური ვითარებიდან ერთადერთი გამოსავალი აქვს ის, რომ ,,ქართული ლეგიონის“ წევრები, თუკი რომელიმე მათგანი ინტერპოლის ძებნილთა სიაშია, ქართული მხარის მოთხოვნით მოხდეს მათ მიმართ სამართლებრივი პროცედურული ღონისძიებების შეჩერება.

,,დღეს ქართული ლეგიონი უკრაინაში უდიდეს სამხედრო-პოლიტიკური მნიშვნელობის საქმეს აკეთებს საქართველოსთვის. ერთადერთი ვისაც ეს აღიზიანებს, არის საქართველოსადმი მტრულად განწყობილი ქვეყანა რუსეთი და მათი პოზიცია გასაგებია, მაგრამ რას აკეთებს საქართველოს ხელისუფლება ჩვენი ჯარისკაცების დასაცავად, ეს უკვე პრობლემაა, რომელიც ცერცვაძის, მაისურაძის და სხვათა საქმეებთან მიმართებაში მკაფიოდ გამოიკვეთა. თითქმის დარწმუნებული ვარ, რომ საქართველსო ხელისუფლება, მითუფრო საკონსტიტუციო უმრავლეოსბის პიროებებში, არ შექმნის საგამოძიებო კომისიას, თუნდაც იმიტომ, რომ თუ რეალურად შეიქმნება და რეაულრად გამოიძიებს, თუ რა ხდება ქართული ლეგიონის თავს, ბუნებრივია, მაშინ თავის საწინააღმდეგო ძიება უნდა ჩაატაროს და კიდევ უფრო დიდ სკანდალში უნდა გახვიოს საკუთარი თავი.

ერთადერთი შანსი აქვს საქართველოს ხელისუფლებას, ამ სკანდალური ვითარებიდან რომ თავი დაიძვრინოს: საზოგადოების აქტიურობით ის მაინც ვაიძულოთ, რომ ინტერპოლს მოსთხოვოს, ,,ქართულ ლეგიონის“ წევრი ადამიანები, ვის მიმართაც მიმდინარეობს პროცედურული სამართლებრივი ღონისძიებები, შეჩერდეს, ხოლო თუ ვინმე შეტანილია ძებნის სისტემაში, მაშინ ამოღებული იქნას“ - განაცხადა ბაჩუკი ქარდავამ.