პარლამენტის იურიდიულ საკითხთა კომიტეტის თავმჯდომარე ეკა ბესელია „კაბელების საქმეზე“ პრეზიდენტის გადაწყვეტილებაში გარკვეულ სამართლებრივ ხარვეზებს ხედავს.

"ჩემი, როგორც ადამიანის, მოქალაქის, საკანონმდებლო ორგანოს წარმომადგენლის არის, ის, რომ ნებისმიერი ადამიანის ოჯახში დაბრუნება მიხარია, მგონია, რომ ეს არის ჰუმანური და კეთილი მოვლენა. კარგი შინაარსი აქვს თავისთავად, ამიტომ მე ეს ყოველთვის ადამიანურად მახარებს და ამ მხრივ კითხვები არ მაქვს. შესაბამისად, არ შეიძლება ნეგატიურად ვიყო განწყობილი მოვლენისადმი, როდესაც ხდება საპატიმროდან მსჯავრდებული პირების გათავისუფლება, თუმცა, აქ გარკვეულ სამართლებრივ ხარვეზებს ვხედავ. როდესაც სასამართლო ინსტანციებში არ არის პროცესი დასრულებული და ჯერ კიდევ როგორც გავიგე უზენაეს სასამართლოში ასაჩივრებს მხარე ამ გადაწყვეტილებას, ვსვამ კითხვას, ვიდრე მართლმსაჯულება არ დასრულებულა საქმეზე და ერთ-ერთი მხარე მაინც აპირებს, რომ გამოიყენოს საბოლოო ინსტანციის სასამართლოს ვერდიქტი, რომელსაც შეუძლია შეცვალოს ნებისმიერი ქვედა ინსტანციის გადაწყვეტილება, რამდენად სწორია ამ დროს, პრეზიდენტის ექსკლუზიური უფლების გამოყენება? ხომ არ არის ეს გარკვეულ წილად მართლმსაჯულებაში ჩარევა? - თქვა ეკა ბესელიამ.