საკონსტიტუციო ცვლილებების ამოქმედების ვადებთან დაკავშირებით კონსტიტუციონალისტთა მოსაზრებას პარლამენტის თავმჯდომარე საკონსტიტუციო კომისიის სხდომაზე გამოეხმაურა. ირაკლი კობახიძის თქმით მისთვის გასაგებია კონსტიტუციონალისტ ვახტანგ ძაბირაძის ინიციატივის საფუძველი, რომ საკონსტიტუციო შესწორებები 2020 წლის საპარლამენტო არჩევნების შემდეგ ამოქმედდეს. პარლამენტის თავმჯდომარის თქმით პირველ რიგში ყურადღება შესწორებების შინაარს უნდა მიექცეს და ვადებზე მსჯელობა შემდეგ გაგრძელდება:

„აბსოლუტურად მესმის ბატონი ვახტანგის ინიციატივის საფუძველი, რომ საკონსტიტუციო შესწორებები 2020 წლის საპარლამენტო არჩევნების შემდეგ ამოქმედდეს. ამა საქვს არა ტექნიკური, არამედ წმინდა პოლიტიკური დატვირთვა, იმისთვის რომ არავინ თქვას რომ სუბიექტური დამოკიდებულებების გამო ხდება კონსტიტუციის გადასინჯვა. მე ვფიქრობ, რომ ჩვენ ჯერ მაინც შინაარს უნდა შევხედოთ.“- განაცხადა ირაკლი კობახიძემ.

იმისთვის, რომ საკონსტიტუციო ცვლილებების შემუშავებაზე გავლენა არ მოახდინოს ქვეყანაში არსებულმა პოლიტიკურმა მოვლენებმა და სუბიექტურმა ფაქტორებმა, კონსტიტუციონალისტთა ნაწილს მიჩნია, რომ ცვლილებები უნდა ამოქმედდეს 2020 წლის საპარლამენტო არჩევნების შემდეგ.