უკრაინის ხელისუფლება მოიქცა საქართველოს ხელისუფლებაზე უფრო ღირსეულად - დავით საყვარელიძე ცერცვაძის გათავისუფლებაზე

პოლიტიკა - 23:13, 26 Jan, 2017

2880

გია ცერცვაძის გათავისუფლებაზე კომენტარი გააკეთა უკრაინის მთავარი პროკურორის ყოფილმა მოადგილემ. დავით საყვარელიძე აცხადებს, რომ გადაწყვეტილება მოულოდნელი იყო, თუმცა მისი თქმით, უკრაინული მხარეს საქართველოს ხელისუფლებაზე უდრო ღირსეულად მოიქცა.

„მოსალოდნელი არ იყო რომ გაათავისუფლებდნენ. ფაქტი იყო, რომ გენერალური პროკურორი სასამართლომ დღეს ძალიან უხერხულ მდგომარეობაში ჩააგდო. ალბათ მიიღეს გადაწყვეტილება, საბოლოო ჯამში შეწყვიტეს საერთოდ სისხლის სამართლის საქმე და წარმოება, როგორც ჩანს და ამით მოხდა დაჩქარება. ასეთი ინსტრუმენტი პროკურატურას აქვს ზოგადად და ამიტომ, მე მგონი ასე დაჩქარდა გამოშვება. სასიხარულოა, რომ უკრაინის მხარე და უკრაინის ხელისუფლება მაინც მოიქცა საქართველოს ხელისუფლებაზე უფრო ღირსეულად. იმ ხელისუფლებაზე, რომელმაც გაყიდა საკუთარი მებრძოლები და მთელი მონაცემების ბაზა, პატრიოტების, რომლებიც იცავდნენ საქართველოს და უკრაინის ტერიტორიულ მთლიანობას, გადასცა საქართველოს მთავარ მტერს. ეს არის სამარცხვინო საქციელი და ზომებია მისაღები საქართველოში იმის საწინააღმდეგოდ, რომ ჩვენი პატრიოტები და ოფიცრები არ გახდნენ რუსეთის ამ ვერაგული პოლიტიკის მძევლები. “ - განაცხადა დავით საყვარელიძემ კურიერთან კომენტარში.