სტრასბურგში ქართველი მოსამართლეების სიის ჩავარდნის საკითხზე იუსტიციის მინისტრის განცხადებას პაატა დავითაია ეხმაურება. როგორც დავითაიამ „ნიუპოსტთან“ საუბრისას აღნიშნა, გიორგი კვირიკაშვილი პოროშენკოს ქართველი მოსამართლეების მხარდაჭერას სთხოვდა:

„რა უნდა თქვას მმართველმა გუნდმა? უნდა თქვა, რომ არაპროფესიონალი კანდიდატები წარადგინეს? ევროპის საბჭოში PR-ის გამო შეიძლება, რომ ვიღაცის კანდიდატურა არ გავიდეს? თუ ეს „პიარი“ არ არის ფაქტებზე დაყრდნობილი? მუშაობის მთავარი პრინციპი არის, რომ მოსამართლეთა კანდიდატები საჯაროდ უნდა იყოს შერჩეული, ჩვენ ვნახეთ, საზოგადოება ითხოვდა იმას, რომ საჯარო გამხდარიყო გასაუბრებები, ვინ რა ქულები მიიღო და ჟურნალისტები დასწრებოდნენ. ჩანაწერები მთელმა საქართველომ უნდა მოისმინოს, ეს არ მოხდა, ამის შემდეგ საქართველოს მტავრობამ დაწერა წერილი და თქვა, რომ ეს ყველაფერი მოხდა, ოღონდ ჟურნალისტები არ მოვიდნენ. როდესაც ქვორუმი არ შედგა, ეს ღიად მანიშნებელი იყო იმისა, რომ რაღაც უკმაყოფილება იყო.

მესამე თემა, ჩვენთვის გახდა ცნობილი, რომ დავოსში ბატონი კვირიკაშვილი ელაპარაკა პოროშენკოს და თხოვდა, რომ უკრაინის წარმომადგენელი ვინც იყო კომიტეტში, მიეცა ხმა საქართველოს მოსამართლეთა კანდიდატებისთვის. ასეთი პოლიტიკური ზეწოლა ყოვლად მიუღებელია კომიტეტის წევრებისათვის, რეალურად პოროშენკოსთან კვირიკაშვილს იმაზე კი არ უნდა ელაპარაკა ვისთვის მიეცა ხმა, არამედ უნდა ელაპარაკა ცერცვძის გამოშვებაზე, პრემიერ-მინისტრი ჩალიჩობდა თავისი მოსამართლის გაყვანას, რაც არ ჯდება კომიტეტის მუშაობის ლოგიკაში. ქვეყანა შეარცხვინეს, ის ხალხი, იურისტები, რომლებიც მუშაობდნენ ამ თემაზე, მათ შეარცხვინეს ქვეყანა“, - აცხადებს პაატა დავითაია.