კიევის სააპელაციო სასამართლომ ქართველი ვიცე-პოლკოვნიკი გიორგი ცერცვაძე პატიმრობაში დატოვა. აღნიშნულს გამოეხმაურა საქართველოს მთავარი პროკურატურა. უწყებაში აცხადებენ, რომ ისინი უკვე დაუკავშირდნენ უკრაინის პროკურატურას და მათ დამატებითი ინფორმაცია მიიღეს სასამართლოს დღევანდელი გადაწყვეტილების შესახებ:

„საქართველოს პროკურატურა დღესაც დაუკავშირდა უკრაინის გენერალურ პროკურატურას და გამოითხოვა ინფორმაცია კიევის სააპელაციო სასამართლოში დღეს გამართული პროცესის შედეგების თაობაზე, როგორც უკრაინელი კოლეგებისაგან ჩვენთვის გახდა ცნობილი, დღევანდელი პროცესი გადაიდო იმ მიზეზით, რომ პირველი ისტანციის სასამართლოს მიერ დროულად ვერ იქნა უზრუნველყოფილი შესაბამისი დოკუმენტაციის წარდგენა კიევის სააპელაციო სასამართლოსათვის.

დღევანდელ პროცესზე არ მომხდარა გია ცერცვაძის პატიმრობაში დატოვების თუ მისი შესაძლო გათავისუფლების საკითხის არსებითი განხილვა, მოცემულ საკითხზე კიევის სააპელაციო სასამართლო იმსჯელებს 3 თებერვალს.

საქართველოს მთავარი პროკურატურა კვლავ მუდმივ კონტაქტზე იქნება უკრაინელ კოლეგებთან და გააკეთებს ყველაფერს, რათა არ განხორციელდეს საქართველოს მოქალაქის ექსტრადიცია იმ სახელმწიფოში, სადაც მისი უფლებების დარღვევის არსებითი რისკი არსებობს“, - აცხადებენ უწყებაში.