,,პრეზიდენტის შენიშვნები მთლიანად ეყრდნობა ვენეციის კომისიის მოსაზრებებს“

,,პრეზიდენტის შენიშვნები მთლიანად ეყრდნობა ვენეციის კომისიის მოსაზრებებს“ - ანა დოლიძე

პოლიტიკა - 13:47, 26 Jan, 2017

1314

სასამართლო რეფორმასთან დაკავშირებულ საკანონმდებლო პაკეტს, რომელიც პრეზიდენტს ხელმოსაწერად 10 იანვარს გადმოეგზავნა, საქართველოს პრეზიდენტმა ვეტო დაადო და შესაბამისი მოტივირებული შენიშვნებით პარლამენტს დაუბრუნა. საქართველოს პრეზიდენტის საპარლამენტო მდივნის თქმით პრეზიდენტის მიერ პარლამენტისთვის გადაგზავნილი შენიშვნები 6 პუნქტს მოიცავს. ანა დოლიძის განცხადებით ძირითადი შენიშვნები სასამართლო სისტემაში ძალაუფლების ერთი ადამიანის ხელში შესაძლო კონცენტრაციას და მოსამართლეების გამოსაცდელ ვადას ეხებოდა:

„ჩვენ გადავაგზავნეთ მოტივირებული შენიშვნები პარლამენტში, შენიშვნები მოიცავს 6 პუნქტს, მაგრამ ძირითადი არგუმენტი მოიცავს 2 პუნქტს. პირველი ეს არის სასამართლოს ძალაუფლების კონცენტრაცია თავმჯდომარეების ხელში, ამ კანონპროექტით ერთი და იგივე პირი შეიძლება იყოს სასამართლო კოლეგიის თავმჯდომარე, ასევე მთლიანად სასამართლოს თავმჯდომარე და იუსტიციის საბჭოს წევრი , ანუ ერთი და იგივე პირს შეუძლია ეკავოს 3 თანამდებობა, ჩვენ გვინდა გამოვრიცხოთ ეს სცენარი და ამ მხრივ წარვადგინეთ შენიშვნები. ასევე არის ძალიან მნიშვნელოვანი შენიშვნა მოსამართლეების 3 წლიანი გამოსაცდელ ვადასთან დაკავშირებით, რომელის მიზანიცაა, რომ სასამართლო მთლიანად გათავისუფლდეს შესაძლო ზეწოლისაგან.

ჩვენი შენიშვნები მთლიანად ეყრდნობა ვენეციის კომისიის მოსაზრებებს ასევე საქართველოს პარლამენტის მიერ სასამართლოს რეფორმის მესამე ტალღასთან დაკავშირებით შემუშავებულ ვერსიებს.“- განაცხადა ანა დოლიძემ.