"სახალხო დამცველი მხოლოდ უმრავლესობის განწყობით არ უნდა ირჩეოდეს"- მენაბდის საკონსტიტუციო წინადადება

პოლიტიკა - 13:21, 26 Jan, 2017

1325

საკონსტიტუციო კომისიის სამუშაო ჯგუფი, რომელიც ადამიანის ძირითადი უფლებებისა და თავისუფლებების, სასამართლო ხელისუფლების, საქართველოს კონსტიტუციის პრეამბულისა და ზოგადი და გარდამავალი დებულებების საკითხზე მუშაობს დღეს მეორე შეხვედრას მართავს. განსახილველ თემებს შორის სასამართლო ხელისუფლების, ადამიანის სოციალური უფლებების რამდენიმე პროექტისა და სახალხო დამცველის ინსტიტუტის სრულყოფის საკითხებია. სახალხო დამცველის არჩევის წესთან დაკავშირებით საკონსტიტუციო წინადადება წარადგინა საკონსტიტუციო სამართლის სპეციალისტმა ვახუშტი მენაბდემ. მისი თქმით, სახალხო დამცველის არჩევა მხოლოდ უმრავლესობის გადასაწყვეტი არ უნდა იყოს, კენჭისყრა უმრავლესობასა და უმცირესობაში ცალ-ცალკე უნდა ჩატარდეს და იმბუდსმენმა ორივე მხარის მხარდაჭერა უნდა მოიპოვოს. ამასთანავე მენაბდე კომისიას სთავაზობს წინადადებას, რომ სახალხო დამცველი მხოლოდ ერთი ვადით იყოს არჩეული, იმის გამო რომ მეორე ვადის არსებობის შემთხვევაში მან მმართველი უმრავლესობის მიმართ ლოიალურობა არ გამოიჩინოს:

„ბევრ ქვეყანაში სახალხო დამცველს ირჩევენ მხოლოდ ერთი ვადით, რაც შეეხება სახალხო დამცველის არჩევის წესს, ეს არის იმგვარი წესი შემოთავაზებული რომელიც უზრუნველყოფს არა მხოლოდ უმრავლესობის ნებითა და განწყობით სახალხო დამცველის არჩევას, არამედ უმცირესობის პოზიციის გათვალისწინებ, რადგან საბოლოო ჯამში ორივე მხარე იქნება მოტივირებული, იმისთვის რომ აირჩიოს ისეთი სახალხო დამცველი, რომელიც არცერათი ძალის მიმართ არ იქნება ლოიალური.“- განაცხადა ვახუშტი მენაბდემ.