საქართველოს მმართველმა გუნდმა პრეზიდენტის ვეტოზე კონსულტაციები დაიწყო. საპარლამენტო უმრავლესობის ნაწილი ირაკლი კობახიძეს შეხვდა. ვეტოს საკითხის გარდა, განიხილებოდა ე.წ. მოსმენების კანონში შესატანი ცვლილებებიც. გია ვოლსკი აცხადებს, რომ მმართველი გუნდისთვის ვეტოს დაძლევა თვითმიზანი არ არის.

„ვეტოს დაძლევა არ არის თვითმიზანი. ღრმად ჩავიხედავთ, შეიძლება რამე გამოგვრჩა, მაგრამ ძალიან კომპეტენტურმა ადამიანებმა, კონსულტანტებმა იმუშავეს იმ კანონის იმ სახეზე, რაც დღეს გაგვაჩნია. აქ საქმის არსიდან და ინტერესებიდან უნდა გამოვიდეთ, რომელიც სახელმწიფოს აქვს და არა ის, რომ მაინცდამაინც ვეტო თუ არის უნდა დაძლიო,“ - განაცხადა გია ვოლსკიმ.