ვიცე-პოლკოვნიკ გია ცერცვაძის საქმესთან დაკავშირებით უკრაინის გენერალური პროკურორი, იური ლუცენკო სოციალურ ქსელში წერს. მისი განცხადებით, უკრაინა ცერცვაძეს რუსეთს არ გადასცემს და მას გაათავისუფლებს:

"გუშინ პირადად ვესაუბრე უკრაინის შეიარაღებული ძალების ქართულ კორპუსს, საქართველოს გენერალურ პროკურორს ირაკლი შოთაძეს და საქართველოს ოპოზიციის წარმომადგენელს გივი თარგამაძეს. მათი მოთხოვნა და ასევე საერთაშორისო კონვენციის ანალიზი, გვაძლევს საფუძველს იმისა, რომ გია ცერცვაძე გათავისუფლდეს პატიმრობიდან და მომავალში უარი ვუთხრათ რუსეთის ფედერაციას იმ ადამიანის გადაცემაზე, რომელიც უკრაინასა და საქართველოს რუსული აგრესიისგან იცავდა," - ნათქვამია განცხადებაში, რომელიც უკრაინის გენერალურმა პროკურორმა facebook-ზე გაავრცელა.