ადამიანის უფლებათა ევროპულ სასამართლოში ქართველი მოსამართლეების კანდიდატების ცავარდნის საკითხს ოპოზიციის რიგებში აფასებენ. ზურაბ ჭიაბერაშვილი მიიჩნევს, რომ მომხდარი ადასტურებს იმ ფაქტს, რომ კანდიდატები პოლიტიკური ნიშნით იქნენ შერჩეულნი:

„წულუკიანი დღეს არის თავის მართლების რეჟიმში, იმიტომ, რომ მან მიიღო არა ქვეყნისთვის საჭირო გადაწყვეტილებები, არამედ ის, რაც უნდოდა ბიძინა ივანიშვილს და ამის გამო ქვეყანამ კიდევ ერთხელ მიიღო დამცირება და ისეთი გადაწყვეტილება, რომელიც ქვეყნის პრესტიჟს აზიანებს,“ - განაცხადა ფრაქცია ევროპული საქართველოს წევრმა ზურაბ ჭიაბერაშვილმა.

ევროსასამართლოს გადაწყვეტილების მიზეზებს განმარტავენ ნაციონალურ მოძრაობაში.

„ფაქტია, რომ ევროსასამართლოს შესაბამისმა ორგანომ, იმ კომისიამ, რომელიც ამ მიმართულებით მუშაობდა, დაასკვნა ორი რამ, ერთი რომ ის შერჩევის პროცესი, რომელიც მიმდინარეობდა თეა წულუკიანის მეთაურობით, იყო პოლიტიზებული და მეორე, თავად კომპეტენციასთან დაკავშირებით არსებობს სერიოზული კითხვები. შესაბამისად, ეს არის კიდევ ერთ ჩავარდნა თეა წულუკიანის," - აცხადებს ზაზა ბიბილაშვილი.