,,ყველას ვინც საზღვარგარეთ სწავლობს...“ - ნინო სურგულაძის მიმართვა უცხოეთში მყოფ ახალგაზრდებს

სოც.მედია - 11:28, 25 Jan, 2017

43354

„მეტი სიყვარული, პოზიტივი და ერთმანეთის გატანა გვქონდეს“- წერს ცნობილი საოპერო მომღერალი ნინო სურგულაძე და სოციალურ ქსელში შემდეგ პოსტს აქვეყნებს.

ნინო სურგულაძე: არ შემიძლია არ დავწერო და არა დასაცავად, არამედ აზრის დასაფიქსირებლად. ყველას ვინც საზღვარგარეთ ცხოვრობს, სწავლობს და მუშაობს დამეთანხმება, რომ არ არის იქ იოლი თავის დამკვიდრება. მარტოობა ძნელია და მუდმივად გენატრება სახლი, მაგრამ ასეა საჭირო. ჯარისკაცივით ხარ და ყოველ დღე უნდა დაამტკიცო, რომ მეტი შეგიძლია, ვიდრე სხვას და უკან დგას უამრავი ადამიანი, რომელიც ამ ადგილისთვის იბრძვის.
მე 21-ის ვიყავი და მახსოვს როგორ განვიცდიდი რომ ნულიდან უნდა დამეწყო ყველაფერი. ერთადერთი რაც მამშვიდებდა ეს იყო დედაჩემთან საუბარი.
ამ ყველაფერს იმიტომ ვწერ, რომ მინდა ყველა იმ ხალგაზრდას ვუთხრა, ვინც მიდის საზღვარგარეთ სასწავლებლად და დასახვეწად, - არ შეგეშინდეთ წინააღმდეგობების, ისინი ყოველთვის იქნება. აკეთეთ თქვენი საქმე და აკეთეთ კარგად, ყველაფერი იქნება მაგრად და როდესმე, როდესაც მოვა დრო ადრე თუ გვიან დაბრუნდებით (იმედია) თქვენს ცოდნას და გამოცდილებას თქვენს ქვეყანას მოახმართ,
ჩვენ კი უნდა გაგამხნევოთ და მეტი ძალა და ენერგია მოგცეთ, იმიტომ რომ უბრალოდ ცოტანი ვართ და მიმობნეულები მთელს დუნიაზე. მეტი სიყვარული, პოზიტივი და ერთმანეთის გატანა გვქონდეს, მიყვარხართ თქვენი ნინო