"არის მასალები, რომელიც საქართველოს ხელისუფლებამ გადასცა რუსეთს"- რა ინფორმაციას ავრცელებს უტიაშვილი

პოლიტიკა - 22:58, 24 Jan, 2017

2340

შსს-ს საინფორმაციო-ანალიტიკური დეპარტამენტის ყოფილი უფროსის შოთა უტიაშვილის განცხადებით, რუსეთის მთავრობას უკრაინაში დაკავებულ ქართველ სამხედროზე გია ცერცვაძეზე ისეთი ინფორმაცია გააჩნია, რომელიც მხოლოდ საქართველოს მთავრობას შეეძლო მიეწოდებინა:

„არის მასალები , რომელიც საქართველოს ხელისუფლებამ გადასცა რუსეთს, აქ არის 4 პასპორტი რომელიც ცერცვაძეს ქონდა, მათი ნომრები. აქ არის საქართველოს მოქალაქის პირადი ნომერი და იმ ქვეყნების ჩამონათვალი, რომელშიც შეიძლება ცერცვაძე იყოს. მთავრობამ იცის სად დადის მისი მოქალაქე და რუსეთის მთავრობას ეუბნება, რომ ის შეიძლება იყოს საქართველოში, უკრაინაში, სომხეთში ან თურქეთში. ეს არის ის ქვეყნები, რომელშიც ცერცვაძე მოგზაურობდა.“- განაცხადა შოთა უტიაშვილმა.

შსს-ს ყოფილი მაღალჩინოსნის თქმით, ამ ქმედებებს რუსეთი იმისთვის სჩადის, რომ ყველას აჩვენოს საქართველოშიც და მის საზღვრებს გარეთაც რა ბედი ელის მათ ვინც რუსეთის წინააღმდეგ იბრძვის:

„ასე დაამთავრებთ, მათ შორის სკუთარი მთავრობა ჩაგარტყამთ ზურგში დანას.“- აღნიშნა უტიაშვილმა.

მისი თქმით საქართველოს მთავრობას რეაგირება უნდა მოეხდინა იმაზე, რომ ინტერპოლის მიერ ძებნაზე აყვანილი ქართველი სამხედროების რაოდენობამ იმატა და ინტერპოლისთვის მათი სიიდან ამოღება მოეთხოვა. ამასთანავე მათ საკუთარი სამხედროები უნდა გაეფრთხილებინა იმის შესახებ, რომ რუსეთმა მათზე ძებნა გამოაცხადა