უკრაინაში დაკავებული ქართველი სამხედროს მეუღლემ კომენტარი ზაქარია ქუცნაშვილის განცხადებაზე გააკეთა და განაცხადა, რომ მისი ქმარი მკვლელი არაა, არამედ საქართველოს ჯარიკაცია, რომელმაც ეს ქვეყანა დღევანდელ დღემდე მოიყვანა:

„ჩემი ქმარი არ არის მკვლელი ჩემი ქმარი არის ჯარისკაცი. ჩემი ქმარი და ჩემი ქმრისნაირი ჯარისკაცები, როდესაც იცავდა თავის სამშობლოს და დღევანდელ დღემდე აქვთ მოტანილი და ახლა როდესაც დღეს ეს ადამიანები დგანან ამ ქვეყნის სათავეში ასეთი განცხადების გაკეთება მემგონი დიდი სირცხვილია“- განაცხადა ტატიანა მესხმა.

შეგახსენებთ, რუსეთის მოთხოვნით უკრაინაში დაკავებული ქართველი სამხედროს გია ცერცვაძის საქმესთან დაკავშირებით, საპარლამენტო უმრავლესობის წევრმა ზაქარია ქუცნაშვილმა განაცხადა, რომ აფხაზეთში ბრძოლა ან უკრაინაში ბრძოლა ვინმესთვის ინდულგენცია არ შეიძლება იყოს და საქართველომ რუსეთთან მკვლელების ნაწილში უნდა ითანამშრომლოს.