"უმოკლეს დროში, ცერცვაძის ვითარება გაირკვევა და ველოდები, რომ ეს მის სასარგებლოდ მოხდება"- თალაკვაძე

პოლიტიკა - 21:22, 24 Jan, 2017

1898

საქართველოს საპარლამენტო უმრავლესობის ლიდერის არჩილ თალაკვაძის განცხადებით საქართველოს შს სამინისტრო და მთავარი პროკურატურა უკრაინაში დაკავებული ქარტველი სამხედროს ინტერესების დასაცავად ყველაფერს აკეთებს. როგორც "ნიუპოსტთან" საუბრისას თალაკვაძემ განაცხადა სამწუხაროა, რომ ოპოზიციის ნაწილი პოლიტიკური ქულების ჩასაწერად, ხშირადჯარისკაცის დასაცავად უსამართლოდ ექცევა პოლიციელებს და პოლიციელის დასაცავად პროკურორებს:

"საქართველოს შინაგან საქმეთა სამინისტრომ და მთავარმა პროკურატურამ ყველაფერი გააკეთეს იმისათვის, რომ გია ცერცვაძის უსაფრთხოება და ინტერესები დაცული ყოფილიყო, როცა ის საქართველოში იმყოფებოდა და ახლა ყველაფერს აკეთებენ, რომ უკრაინულმა მხარემაც მაქსიმალურად დაიცვას მისი ინტერესები.

სამწუხაროა, რომ ოპოზიციის ნაწილი პოლიტიკური ქულების ჩასაწერად, ხშირად ჯარისკაცის დასაცავად უსამართლოდ ექცევა პოლიციელებს და პოლიციელის დასაცავად პროკურორებს, რომლებიც თავის საქმეს კარგად აკეთებენ. ამის არაერთი მაგალითი გვაქვს ბოლო წლებში. მითუმეტეს, როცა გია ცერცვაძე წარსულში შსს სპეცრაზმში მსახურობდა და არა შეიარაღებულ ძალებში - მინდა კრიტიკოსებს შევახსენო, რომ პოლიციელები საკუთარ კოლეგებს არ ღალატობენ!

ჩემს ხელთ არსებული ინფორმაციით, უმოკლეს დროში, უკრაინაში ცერცვაძის გარშემო არსებული ვითარება გაირკვევა და ველოდები, რომ ეს მის სასარგებლოდ მოხდება."- განაცხადა არჩილ თალაკვაძემ.