ახალგაზრდების 74% ევროკავშირში, 68% კი NATO-ში შესვლას უჭერს მხარს

ახალგაზრდების 74% ევროკავშირში, 68% კი NATO-ში შესვლას უჭერს მხარს - FES კვლევა

პოლიტიკა - 20:58, 24 Jan, 2017

1887

ახალგაზრდების 75% მხარს უჭერს საქართველოს შესვლას ევროკავშირში. ახალგაზრდა თაობას სჯერა, რომ ევროკავშირი დაეხმარება ქვეყანას ეკონომიკურ განვითარებაში (83%), რომელიც დაკავშირებულია დასაქმების უკეთეს შესაძლებლობებთან (80%) და სოციალურ-ეკონომიკური სიტუაციის განვითარებასთან (81%). ევროკავშირში გაწევრიანება, ასევე, ითვლება უკეთესი განათლების წინაპირობად (84%). გამოკითხულთა 84% მიიჩნევს, რომ ევროკავშირში გაწევრიანების უარყოფითი მხარე არის გაძლიერებული აგრესია რუსეთის მხრიდან. რესპოდენტების 28% ფიქრობს, რომ ევროკავშირში ინტეგრაციით, საქართველო საბოლოოდ დაკარგავს აფხაზეთისა და ცხინვალის მოკლე მიმოხილვა 10 თაობა გარდამავალ პერიოდში დაბრუნების შანსს. რესპოდენტთა უფრო მცირე ნაწილი უჭერს მხარს საქა- რთველოს ნატოში შესვლას (68%). გამოკითხულთა 68% ფიქრობს, რომ ნატოსთან ურთიერთობის გაღრმავება არ არის სასურველი საქართველოსთვის, რადგან ეს გამოიწვევს რუსეთთან კონფლიქტის ესკალაციას. მეორე მნიშვნელოვანი მიზეზი, რატომაც ქართველ ახალგაზრდებს არ სურთ საქართველოს ნატოში შესვლა არის ის, რომ ქართველი ჯარისკაცების რაოდენობა, რომლებიც ნატოს სამხედრო მისიებში მონაწილეობენ და იღუპებიან, გაიზრდება.

თბილისში და სხვა ქალაქებში მცხოვრები ახალგაზრდების შეხედულებები განსხვავდება სოფელში მცხოვრებთაგან: თბილისში და სხვა ქალაქებში მცხოვრები ახალგაზრდების 80%-ს სურს ევროკავშირის წევრობა, მაშინ, როცა სოფელში მცხოვრები ახალგაზრდობის 66% პროცენტია იმავე მოსაზრებაზე.
ქვეყნის მასშტაბით ჩატარებული კვლევა მოიცავდა 14-29 წლის ახალგაზრდებს. კვლევა ჩატარდა 2016 წლის მაისი-ივნისის პერიოდში. კვლევის მეთოდოლოგია შეიქმნა ანალიზისა და კონსულტაციის ჯგუფის (ACT)- ის მიერ, ფრიდრიხ ებერტის ფონდის სამხრეთ კავკასიის რეგიონალური ოფი- სის მოთხოვნების გათვალისწინებით. კვლევის მეთოდოლოგია მოიცავს, რო- გორც რაოდენობრივ, ისე, თვისებრივ მეთოდებს, კონკრეტულად პირისპირ ინტერვიუებს და ფოკუს ჯგუფის დისკუსიებს. რაოდენობრივი კვლევა ჩატარდა 2016 წლის მაისი-ივნისის პერიოდში, ხოლო თვისებრივი კვლევა ჩატარდა რაოდენობრივი კვლევის შედეგების პირველადი ანალიზის შემდეგ, კერძოდ 2016 წლის ივლისში. ჯამში, მთელი ქვეყნის მასშტაბით ჩატარდა 1200 პი- რისპირ ინტერვიუ და 24 ფოკუს ჯგუფის დისკუსია. კვლევის ფოკუსს წარმოადგენდა ახალგაზრდა თაობის სოციალურ-ეკონომი- კურ თემებთან არსებული გამოცდილებისა და დამოკიდებულებების შესწავ- ლა. კვლევამ მოიცვა ისეთი საკითხები, როგორიცაა: დასაქმება, განათლება, დემოკრატია, საგარეო პოლიტიკა, ოჯახთან და მეგობრებთან ურთიერთობა, იდენტობა, რელიგია, ცხოვრების სტილი და სხვა მომიჯნავე საკითხები.