ორთაჭალაში, შსს-ს შენობასთან, აქციის მონაწილეებმა, რომლებიც გიორგი ცერცვაძის რუსეთისთვის შესაძლო გადაცემას აპროტესტებენ ქუჩა გადაკეტეს. პოლიციის მიერ გზის გათავისუფლების მცდელობას ხმაური მოჰყვა. ​

აქციის მონაწილეები აცხადებენ, რომ აქციაზე მისვლა საქართველოს თითოეული მოქალაქის ვალია , რადგან ქართველი ჯარისკაცის დაკავება რუსეთის დავალებით და საქართველოს ხელისუფლების დანაშაულებრივი ხელშეწყობით მოხდა. რუსეთისთვის გია ცერცვაძის გადაცემა კი მისთვის სასიკვდილო განაჩენის გამოტანის ტოლფასია. აქციაზე ცერცვაძის მეუღლეც იმყოფება და აცხადებს, რომ ის რუსეთს არ უნდა გადაეცეს.

დღევანდელი აქცია გამაფრთხილებელია და იმ შემთხვევაში, თუ ხელისუფლება ცერცვაძის საქმესთან დაკავშირებით დროულ რეაგირებას არ მოახდენს, აქცია პერმანენტულ უფრო მასშტაბურ ხასიათს მიიღებს.

_{ფოტო 1tv.ge}