ხვალ 11:00 საათზე ბიზნეს სექტორი საპარტნიორო ფონდს შეხვდება

პოლიტიკა - 18:10, 24 Jan, 2017

1431

25 იანვარს 11:00 საათზე ბიზნეს სექტორი საპარტნიორო ფონდის ხელმძღვანელ პირებს შეხვდება. შეხვედრა გაიმართება საქართველოს დამსაქმებელთა ასოციაციის მიერ ორგანიზებული პროექტის „ბიზნესის დიალოგი მთავრობასთან“ ფარგლებში.

შეხვედრას გახსნიან ფონდის აღმასრულებელი დირექტორი დავით საგანელიძე და დამსაქმებელეთა ასოციაციის პრეზიდენტი ელგუჯა მელაძე. შეხვედრას ასევე დაესწრებიან, საპარტნიორო ფონდის ხელმძღვანელის მოადგილე ნათია თურმავა, საინვესტიციო დეპარტამენტის ხელმძღვანელი გიორგი ჩერქეზიშვილი და სტარტაპ საქართველოს ხელმძღვანელი ვაჟა მენაბდე. შეხვედრის მიზანია ბიზნეს სექტორის ინფორმირება საპარტნიორო ფონდის და სტარტაპ საქართველოს მიერ მიმდინარე, განხორციელებული და სამომავლოდ დაგეგმილი პროექტების შესახებ.

შეხვედრის ბოლო გაიმართება დისკუსია, რომელიც საშუალებას მისცემს ბიზნეს სექტორს მიიღოს პასუხები მათთვის საინტერესო შეკითხვებზე.

შეგახსენებთ, რომ ფონდის მთავარი დანიშნულებაა საქართველოში ინვესტიციების წახალისება საინვესტიციო პროექტების განვითარების დაწყის ეტაპზე თანამონაწილეობის გზით (კაპიტალში თანაინვესტირება, სუბორდინირებული სესხი და ა.შ.). ხოლო საქართველოს დამსაქმებელთა ასოციაციის მიზანია ორგანიზება გაუკეთოს ბიზნეს სეტორისთვის მსგავსი ინფორმაციის მიწოდებას. შეხვედრა გაიმართება ბიზნეს გაერთიანება საქართველოს დამსაქმებელთა ასოციაციის საკონფერენციო დარბაზში. მის.: ა. ბელიაშვილის ქ. #8 (ტელეკომპანია მაესტროს გვერდით), მე-3 სართული.