„გაზპრომთან“ დაკავშირებით ოპოზიციის მოთხოვნებს მინისტრთა კაბინეტის რიგებში ეხმაურებიან. საქართველოს ჯანდაცვის მინისტრის, დავით სერგეენკოს განცხადებით, მას ხელშეკრულებასთან დაკავშირებით კითხვები არ აქვს:

„ჩემი პოზიცია არის ის, რაც განაცხადა პრემიერმინისტრმა და ორი დღის წინ, განაცხადა ჩემმა კოლეგა ენერგეტიკის მინისტრმა, რომ აუცილებლად გასაჯაროვდება ის ნაწილი, რისი გასაჯაროებაც შესაძლებელია ორმხრივი ხელშეკრულების ფარგლებში, რადგან ეს კომერციული ხელშეკრულებაა. მე ვფიქრობ, საშუალება ექნება საზოგადოებას, რომ ყველა კითხვას გაეცეს პასუხი,“ - აცხადებს დავით სერგეენკო.