საქართველოს პრემიერ-მინისტრმა გიორგი კვირიკაშვილმა დღეს გამართულ მთავრობის სხდომაზე, საქართველოსა და ამერიკის შეერთებული შტატების ურთიერთობის შესახებ ისაუბრა. მისი თქმით, ძლიერი ამერიკა უმნიშვნელოვანესია მსოფლიოში მშვიდობისა და სტაბილურობისთვის:

„ძლიერი ამერიკა არის უმნიშვნელოვანესი მსოფლიოში მშვიდობისა და სტრაბილურობისათვის, საქართველო იყო და რჩება ამერიკის შეერთებული შტატების ერთგულ და მნიშვნელოვან პარტნიორად რეგიონში. ჩვენ გვაქვს ინსტიტუციონალიზებული სტრატეგიული ურთიერთობის ფორმატი, რომელიც მოიცავს არა ერთ მიმართულებას. ეს არის თავდაცვა და უსაფრთხოება, ეს არის ეკონომიკა, ვაჭრობა, ენერგეტიკა. ასევე დემოკრატიის კონსოლიდაცია ქვეყანაში და დემოკრატიული განვითარება, ხალხთაშორისი ურთიერთობები, ამ ქარტიის ფარგლებში, საქართველო გააგრძელებს ძალიან აქტიურ თანამშრომლობას ამერიკის შეერთებულ შტატებთან, იმისათვის, რომ ორმხრივად მივიღოთ და ძალიან დიდი იმედი გვაქვს ამ თანამშრომლობის დადებითი შედეგების. საქართველოს დამოუკიდებლობის მოპოვების პირველივე დღიდან ამერიკის შეერთებული შტატები იყო და დღემდე არის საქართველოს სუვერენიტეტის და ტერიტორიული მთლიანობის ძალიან ძლიერი მხარდამჭერი“, - განაცხადა გიორგი კვირიკაშვილმა.