საკონსტიტუციო სასამართლოს მოსამართლედ მანანა კობახიძის წარდგენის საკითხს დეპუტატები კენჭს საგაზაფხულო სესიის პირველივე კვირას უყრიან. საკითხი ბიუროზე უკვე დარეგისტრირებულია. განხილვები კომიტეტებში მომავალი კვირიდან დაიწყება.

მანანა კობახიძე დეპუტატების წინაშე წარსდგება. მმართველი გუნდის გადაწყვეტილებას, აღნიშნულ თანამდებობაზე კობახიძის წარდგენასთან დაკავშრებით, ოპოზიცია აპროტესტებს:

„ოთხი წლის განმავლობაში ქართული ოცნების პოლიტიკა იყო მონოპოლიზება სახელმწიფო ინსტიტუტების, სასამართლოსი, დამოუკიდებელი ინსტიტუტების და მანანა კობახიძის დანიშვნა იქ, ერთ-ერთი გაგრძელებაა ამის. ბუნებრივია, ეს იქნება ერთ-ერთი ბერკეტი და ჭანჭიკი იმისთვის, რომ აკონტროლონ საკონსტიტუციო სასამართლო,“ - განაცხადა აკაკი მინაშვილმა.